آئی ہے جالیوں سے بھی شاید لگا کے ہاتھ
کیا کچھ مہک رہے ہیں یہ بادِ صبا کے ہاتھ
Aayi hai jaliyon se bhi shaayad laga ke haath
Kya kuchh mehak rahe hain yeh baad-e-saba ke haath
شاہد ہے مَارَمَیتَ کی آیت، اِس اَمر پر
یعنی نبیؐ کے ہاتھ ہیں بیشک خدا کے ہاتھ
Shaahid hai ma ar amayta ki aayat, is amr par
Yani Nabi ke haath hain beshak Khuda ke haath
وہ کامیابِ عشقِ خدا و رسولؐ ہے
جس کی زمامِ کار ہے صبر و رِضا کے ہاتھ
Woh kaamyaab-e-ishq-e-Khuda o Rasool hai
Jis ki zimaam-e-kaar hai sabr o riza ke haath
ذکرِ حبیبؐ نے، وہ غنی کر دیا مجھے
بیٹھا ہُوا ہُوں دونوں جہاں سے اُٹھا کے ہاتھ
Zikr-e-Habib ne, woh gani kar diya mujhe
Baitha hua hoon donon jahan se utha ke haath
سَو رنج ہوں، ہزار الم، لاکھ مشکلیں
ہم نے بڑھا دیئے ہیں اُدھر مسکرا کے ہاتھ
Sau ranj hon, hazar alam, lakh mushkilein
Hum ne barha diye hain udhar muskara ke haath
عشقِ نبیؐ کی اِن میں لکیریں بھی کھینچ دِیں
روزِ ازل خدا نے ہمارے بنا کے ہاتھ
Ishq-e-Nabi ki in mein lakeeren bhi kheench deen
Roz-e-azal Khuda ne humare bana ke haath
ہے اُن کے دم قدم سے فضیلت کا فیصلہ
خاکِ شفا لگی ہے تو بس نقشِ پا کے ہاتھ
Hai un ke dam qadam se fazilat ka faisla
Khaak-e-Shifa lagi hai to bas naqsh-e-paa ke haath
جب کوئی وسوسہ مجھے لاحق ہُوا کبھی
سینے پہ رکھ دیئے وہیں حضرتؐ نے آگے ہاتھ
Jab koi waswasa mujhe lahiq hua kabhi
Seene pe rakh diye wahi Hazrat ne aage haath
وہ رحمتِ تمام ہیں دونوں جہان میں
دامن تک اُن کے پہنچیں گے شاہ و گدا کے ہاتھ
Woh rehmat-e-taamam hain donon jahan mein
Daaman tak un ke pahunchenge Shah o gadaa ke haath
ہم پر کرم ہے صاحبِ خُلقِ عظیم کا
افلاک سے بُلند ہیں جُود و عطا کے ہاتھ
Hum par karam hai sahib-e-khulq-e-azeem ka
Aflak se buland hain jood o ata ke haath
اُٹّھی جہاں نصیرؔ! نگاہِ رسولِؐ حق
ہو جائیں گے قلم وہیں تیغِ جفا کے ہاتھ
Uthi jahan Naseer! nigaah-e-Rasool-e-Haq
Ho jayein ge qalam wahiin tegh-e-jafa ke haath
Share This Naat
Share with friends and family
آئی ہے جالیوں سے بھی شاید لگا کے ہاتھ
سید نصیرالدیں نصیر