میلاد ہے آج سرکاراں دا، سب درداں مارے ہس پئے نیں
اَج دائی پاک حلیمہ دے، اُجڑے ہوئے ڈھارے وس پئے نیں
Meelad hai aaj sarkaran da, sab dardan maare has paye ne
Aj daai paak Haleema de, ujre hoye dharare vas paye ne
لکھ وار مبارک سب آکھو ، آج آمنہ پاک منزہ نُوں
آج بدل رب دی رحمت دے، آجہدے دوارے وس پئے نیں
Lakh waar mubarak sab aakho, aaj Aamna paak munazza nu
Aaj badal Rab di rehmat de, ajhde duware vas paye ne
گھر آمنہ پاک دا سجیا اے ، جہدے ناں دا نقارا وجیا اے
انوار خُدا دے جس اُتے ، سارے دے سارے وس پئے نیں
Ghar Aamna paak da saja ae , jehde naam da naqara vajya ae
Anvaar Khuda de jis utte, saare de saare vas paye ne
اُج آ گیا نُور من اللہ اے ، ہر پاسے نور تجلیّٰ اے
انج لگدا نور دے بدلاں چوں ، انوار دے تارے وس پئے نیں
Uj aa gaya noor min Allah ae , har paase noor tajaliya ae
Inj lagda noor de badlan cho, anvaar de taare vas paye ne
آج آگیا حامی ماڑیاں دا ، آج آگیا شاہ سُلطاناں دا
سب کُلیاں جُھگیاں وس پئیاں، سب محل منارے وس پئے نیں
Aaj aa gaya haami maariyaan da , aaj aa gaya Shah Sultanan da
Sab kuliyan jhugiyan vas payian, sab mehal minare vas paye ne
جو یار دی بزم سجاندے نے ، اِک مِک سارے ہو جاندے نے
محبوب دی برکت تھیں صائم ، سب ہولے بھارے وس پئے نیں
Jo yaar di bazm sajande ne , ik mik saare ho jande ne
Mehboob di barkat thi Saima, sab hole bhare vas paye ne
Share This Naat
Share with friends and family
میلاد ہے آج سرکاراں دا، سب درداں مارے ہس پئے نیں
علامہ صائم چشتی