تُسیں لجپال تے میں ہاں بے لجی یا رسول اللہ
تُساڈے نال ہے دُنیا ایہہ سجی یا رسول اللہ
Tusain lajpaal te main haan be laji ya Rasool Allah
Tusaday naal hai duniya eh saji ya Rasool Allah
تصور آپ دا میرے خیالاں وچ سدا رہندا
ایہہ منیاں ہاں میں کوہجی تے کُچجی یا رسول اللہ
Tasawar aap da mere khayalaan wich sada rehnda
Eh manyaan haan main kohji te kuchji ya Rasool Allah
ناں دِل نوں چین آیا اے ناں اکھاں رون توں رُکیاں
کٹاری ہجر دی جد توں اے وجی یارسول اللہ
Naa dil noon chain aaya ae naa akkhaan roon to rukiyan
Kataari hijr di jad to ae waji ya Rasool Allah
غبار اُڈ دا اے پر نہیں آپ دی ناقہ نظر آئی
میں انھے واہ ہاں ہر پاسے نوں بھجی یارسول اللہ
Ghubaaar ud da ae par nahi aap di naqa nazar aai
Main anhay waah haan har paasay noon bhaji ya Rasool Allah
میری ہر معصیت ہر اک خطا ہر دور دے اندر
تری رحمت دی چادر نے ہے کجی یا رسول اللہ
Meri har masiyat har ik khata har dour de andar
Teri rehmat di chaadar ne hai kaji ya Rasool Allah
نئیں اوہنوں حشر تیکر بُھکھ زمانے دی ستا سکدی
جو روضہ ویکھ کے تیرا اے رجی یارسول اللہ
Nai oohnu hashar teekar bhukh zamanay di sata sakdi
Jo rozah vaikh ke tera ae raji ya Rasool Allah
جو ہو جاندی نظر منظور ہے تیرے غلاماں دے
ہے صائم اوہ سُہاگن تے سُچجی یارسول اللہ
Jo ho jandi nazar manzoor hai teray ghulaman de
Hai Saima oh suhagan te suchji ya Rasool Allah
Share This Naat
Share with friends and family
تُسیں لجپال تے میں ہاں بے لجی یا رسول اللہ
علامہ صائم چشتی