حَسیں دیار سے نکلوں تو کوئی بات کروں
حرا کے غار سے نکلوں تو کوئی بات کروں
Haseen dayar se nikloon to koi baat karoon
Hira ke gaar se nikloon to koi baat karoon
کرم ہوا ہے ، نہیں کوئی بھی خزاں باقی
مَیں اس بہار سے نکلوں تو کوئی بات کروں
Karam hua hai, nahin koi bhi khazaan baqi
Main is bahar se nikloon to koi baat karoon
ہوں اِس جگہ پہ جہاں کھوٹے سکے چلتے ہیں
مَیں کاروبار سے نکلوں تو کوئی بات کروں
Hoon is jagah pe jahan khotay sikay chaltay hain
Main karobar se nikloon to koi baat karoon
زہے نصیب کہ پایا ہے جس کو طیبہ میں
مَیں اس غبار سے نکلوں تو کوئی بات کروں
Zahe naseeb ke paya hai jis ko tayyaba mein
Main is ghubar se nikloon to koi baat karoon
ملا جو کیف عجب اور سرور طیبہ میں
میں اس خمار سے نکلوں تو کوئی بات کروں
Mila jo kaif ajab aur suroor tayyaba mein
Main is khumar se nikloon to koi baat karoon
یہ ناز بھی ہے ثنا گو شہِ مدینہ کی
میں اس شمار سے نکلوں تو کوئی بات کروں
Yeh naaz bhi hai sana go shah-e-Madina ki
Main is shumaar se nikloon to koi baat karoon
Share This Naat
Share with friends and family
حَسیں دیار سے نکلوں تو کوئی بات کروں
صفیہ ناز