درد و آلام کے مارے ہوئے کیا دیتے ہیں
ہم تو بس ان کی نگاہوں کو دعا دیتے ہیں
Dard o aalam ke maare hue kya dete hain
Hum to bas un ki nigahon ko dua dete hain
جو بھی مجرم مری سرکارؐ کے دامن میں چھپے
عرش والے اسے جنت کی سزا دیتے ہیں
Jo bhi mujrim meri Sarkarؐ ke daaman mein chhupay
Arsh walay usay jannat ki saza dete hain
عقل والوں کے نصیبوں میں کہاں ذوقِ جنوں
عشق والے ہیں جو ہر چیز لٹا دیتے ہیں
Aql walon ke naseebon mein kahan zoq-e-junoon
Ishq walay hain jo har cheez luta dete hain
اللہ اللہ کیے جانے سے نہ اللہ ملے
اللہ والے ہیں جو اللہ سے ملا دیتے ہیں
Allah Allah kiye jane se na Allah mile
Allah walay hain jo Allah se mila dete hain
بندہ بننا ہے خدا کا تو گدا بن اُن کا
جو فقیروں کو شہنشاہ بنا دیتے ہیں
Banda banna hai Khuda ka to gada ban un ka
Jo faqeeron ko shehanshah bana dete hain
یاد آتی ہے مدینے کی ظہوریؔ جو ہمیں
غم کے مارے ہوئے کچھ اشک بہا دیتے ہیں
Yaad aati hai Madine ki Zahooriؔ jo humein
Gham ke maare hue kuch ashk baha dete hain
Share This Naat
Share with friends and family
درد و آلام کے مارے ہوئے کیا دیتے ہیں
محمد علی ظہوری