کِس کو اُن کی شان و رِفعت کا پتہ معلوم ہے
حق تعالیٰ کو نبی کا مرتبہ معلوم ہے
kis ko un ki shaan o rifat ka pata maloom hai
Haq ta'ala ko nabi ka martaba maloom hai
اُن پہ جُملہ عالمیں کے مُنکشِف احوال ہیں
کب کہاں کیا ہو رہا ہے ہو چُکا معلوم ہے
un pe jumla aalmeen ke munkashif ahwal hain
kab kahan kya ho raha hai ho chuka maloom hai
ہر کسی کے دل کی اُن پر کیفیت بھی ہے عیاں
ہوگا جس پر جس کسی کا خاتمہ معلوم ہے
har kisi ke dil ki un par kefiyat bhi hai ayaan
hoga jis par jis kisi ka khatima maloom hai
غیب اُن پر حق تعالیٰ نے عیاں سب کر دیا
ہونے والا ان کو ہر اِک واقعہ معلوم ہے
ghaib un par haqq ta'ala ne ayaan sab kar dia
hone wala un ko har ek waqia maloom hai
کیوں کہیں یہ دیں ہمیں یا وہ عطا کر دیں حضور
سب ہمارے دل کا ان کو مُدعا معلوم ہے
kyun kahen ye dein humein ya wo ata kar dein huzoor
sab humare dil ka un ko mudda maloom hai
باعثِ تخلیقِ ہر عالم اُنھیں کی ذات ہے
چاند سورج میں اُنہیں کی ہے ضیا معلوم ہے
ba'is-e-takhleeq-e-har alam unhi ki zaat hai
chaand sooraj mein unhi ki hai zia maloom hai
جانتے ہیں عظمتِ غفار کو میرے حضور
میرے رب کو بس مقامِ مصطفیٰ معلوم ہے
jaante hain azmat-e-ghaffar ko mere huzoor
mere Rab ko bas maqam-e-Mustafa maloom hai
جانتے ہیں میرے آقا کہکشاں کی وُسعتیں
ہے کہاں پر سِدرہ و عرشِ عُلیٰ معلوم ہے
jaante hain mere aaqa kehkasha ki wusaten
hai kahan par sidrah o arsh-e-ula maloom hai
بُوجہل اور عُتبہ و شیبہ مریں گے کس جگہ
بدر کے میدان کا ہر ماجرا معلوم ہے
buja-hal aur utba o shaiba marenge kis jagah
badr ke maidan ka har maajra maloom hai
خون کے پیاسوں کو بھی جو دے ہدایت کی دعا
جُز نبی کے کوئی ایسا رہنما معلوم ہے؟
khoon ke pyason ko bhi jo de hidayat ki dua
juz nabi ke koi aisa rehnuma maloom hai?
خاکِ طیبہ اے مریضو کُچھ اُٹھا لے جاؤ تم
ہم کو دردِ لا دوا کی یہ دوا معلوم ہے
khaak-e-taiba ae mareezo kuch utha le jao tum
hum ko dard-e-la dawa ki ye dawa maloom hai
چوم کر چلتی ہے طیبہ کے در و دیوار کو
مشکبو ہے کس لیے بادِ صبا معلوم ہے
chumkar chalti hai taiba ke dar o deewar ko
mushkabu hai kis liye bad-e-saba maloom hai
عظمتِ سرکار مرزا جان و دل سے ہو عزیز
بس یہی بخشِش کا ہم کو آسرا معلوم ہے
azmat-e-sarkar Mirza jaan o dil se ho azeez
bas yahi bakhshish ka hum ko aasra maloom hai
Share This Naat
Share with friends and family
کِس کو اُن کی شان و رِفعت کا پتہ معلوم ہے
مرزا جاوید بیگ عطاری