اے ربِّ نوا ڈال دے دامن میں نئی نعت
معمورہء احساس کو مہکاتی ہوئی نعت
Ae Rab-e-Nawa daal de daaman mein nai naat
Ma'moorah-e-ehsaas ko mehkati hui naat
درکار ہے ٹھیرے ہوئے جذبات کو مہمیز
یہ کام جو کر پائے ہو اب ایسی کوئی نعت
Darkar hai thehre hue jazbaat ko mahmaiz
Ye kaam jo kar paaye ho ab aisi koi naat
کر دے جو قریں ذاتِ رسوؐلِ دوسرا سے
ہے میری نگاہوں میں وہی نعت بڑی نعت
Kar de jo qareen zaat-e-Rasool-e-Doosra se
Hai meri nigaahon mein wohi naat badi naat
جب ناقہ قُبا سے تھا مدینے کو روانہ
اس منظرِ پاکیزہ سے ضو ریز رہی نعت
Jab naaqa Quba se tha Madeene ko rawana
Is manzar-e-paakeezah se zo raiz rahi naat
جلوے تھے جب اس نورِ مجسم کے ہویدا
اس عہدِ مقدس کی ہے تصویر گری نعت
Jalwe the jab is noor-e-mujassam ke huwaida
Is ehed-e-muqaddas ki hai tasveer gari naat
حجرے سے وہ سرکارؐ کا مسجد میں نکلنا
اس لمحے میں ہو کاش رچی اور بسی نعت
Hujre se woh Sarkar ka masjid mein nikalna
Is lamhe mein ho kaash rachi aur basi naat
حناّنہ کو سرکارؐ جو دیتے تھے تسلیّ
اس لطف سے آرستہ ہوجائے کوئی نعت
Hannana ko Sarkar jo dete the tasalli
Is lutf se aarasta ho jaaye koi naat
جب زید و بلال آتے تھے آقاؐ کے جلو میں
کچھ دیر تو اس وقت کو ٹھہرائے کبھی نعت
Jab Zaid o Bilal aate the Aaqa ke jalo mein
Kuch der to is waqt ko thehraaye kabhi naat
تائب گلِ تقدیس کھلاتی ہی رہے گی
گلزارِ وطن میں ہے نسیمِ سحری نعت
Taa'ib gul-e-taqdees khilati hi rahegi
Gulzaar-e-watan mein hai naseem-e-sahari naat
Share This Naat
Share with friends and family
اے ربِّ نوا ڈال دے دامن میں نئی نعت
حفیظ تائب