وہ دن بھی بھلا ہوگا قسمت بھی بھلی ہوگی
جب سامنے آنکھوں کے طیبہ کی گلی ہوگی
Woh din bhi bhala hoga qismat bhi bhali hogi
Jab samne aankhon ke taiba ki gali hogi
مہکی ہے فضا ساری سرکار کی خوشبو سے
یہ ٹھنڈی ہوا ان کے کوچے سے چلی ہوگی
Mehki hai fiza sari sarkar ki khushbu se
Yeh thandi hawa un ke kooche se chali hogi
محسوس یہی ہوگا دن پھر سے نکل آیا
سرکارؐ کے روضے پر جب شام ڈھلی ہوگی
Mehsoos yahi hoga din phir se nikal aaya
Sarkar ke roza par jab shaam dhali hogi
خوش بخت حلیمہؓ پر رشک آیا دو عالم کو
آقاؐ کو لگا سینے جب گھر کو چلی ہو گی
Khush bakht Haleema par rashk aaya do aalam ko
Aqa ko laga seene jab ghar ko chali hogi
روشن وہ سدا ہوگا ظلمت کی گھٹاؤں میں
کچھ خاکِ قدم ان کی جس منہ پہ ملی ہوگی
Roshan woh sada hoga zulmat ki ghataon mein
Kuch khaak-e-qadam un ki jis munh pe mili hogi
ہر شیریں زباں ان کی گفتار پہ وار فتہ
قربان تبسم پر ہر کھلتی کلی ہوگی
Har sheerīn zabaan un ki guftaar pe vaar fita
Qurbaan tabassum par har khilti kali hogi
مقبول ظہوریؔ وہ محفل ہے سدا جس میں
توصیفِ نبیؐ ہوگی، تعریف ِ نبیؐ ہوگی
Maqbool Zahuri woh mehfil hai sada jis mein
Tauseef-e-Nabi hogi, tareef-e-Nabi hogi
Share This Naat
Share with friends and family
وہ دن بھی بھلا ہوگا قسمت بھی بھلی ہوگی
محمد علی ظہوری