کہیں بھٹکے کہیں ٹھہرے سفینہ
سفر کی آخری منزل مدینہ
Kahin bhatkay kahin thahray safeena
Safar ki aakhri manzil Madina
حقیقت سایہ افگن ہے زمیں پر
زمیں کا عرش ہے شہرِ مدینہ
Haqiqat saaya afgan hai zameen par
Zameen ka arsh hai shehr-e-Madina
نویدِ امن و راحت عاصیوں کو
میرے آقاؐ کی بعثت کا مہینہ
Naveed-e-aman o rahat aasiyon ko
Mere Aaqa ki ba'sat ka mahina
درُونِ ذات سر گرمِ سفر ہوں
تصّور رہ گزر ہے‘دِل مدینہ
Daroon-e-zaat sar garm-e-safar hoon
Tasawwur reh guzar hai, dil Madina
اُنہیںؐ کا فیض اُمّیدِ شفاعت
وہیؐ ہیں قلبِ مومن کا سکینہ
Unhein ka faiz umeed-e-shafa'at
Wohi hain qalb-e-momin ka sakeena
شریعت‘ ضابطہ اُنؐ کے عمل کا
طریقت‘ رابطہ سینہ بہ سینہ
Shariat, zaabta unke amal ka
Tariqat, rabita seena bah seena
امیں‘ صادق، نبیؐ ، محبُوبِ داور
عروُجِ منزلت زینہ بہ زینہ
Ameen, Sadiq, Nabi, Mehboob-e-dawar
Urooj-e-manzilat zeena bah zeena
ہمارے جُرم پر اُنؐ کو ندامت
وگرنہ اُنؐ کے ماتھے پر پسینہ
Hamare jurm par unko nadamat
Wagarna unke maathay par paseena
Share This Naat
Share with friends and family
کہیں بھٹکے کہیں ٹھہرے سفینہ
حنیف اسعدی