naat
مانگی تھی مدینے میں دعا اور طرح کی
مانگی تھی مدینے میں دعا اور طرح کی
دے فکر مجھے میرے خدا اور طرح کی
Maangi thi Madine mein dua aur tarah ki
De fikr mujhe mere Khuda aur tarah ki
جنت جو حسیں ہے تو اِسی ورد کے صدقے
ہے شہرِ مدینہ کی ہوا اور طرح کی
Jannat jo haseen hai to isi Wird ke sadqe
Hai shehr-e-Madina ki hawa aur tarah ki
دنیا کے فقیر اس کی طرح ہو نہیں سکتے
رکھتا ہے طلب ان کا گدا اور طرح کی
Duniya ke faqeer iski tarah ho nahi sakte
Rakhta hai talab un ka gada aur tarah ki
ہے نطقِ رُسُل حشر میں "تم جاؤ کہیں اور"
لیکن ہے محمدﷺ کی صدا اور طرح کی
Hai nutq-e-rusul hashr mein "tum jao kahin aur"
Lekin hai Mohammadﷺ ki sada aur tarah ki
کاسہ لئے ہے در پہ کھڑی حسن کی دنیا
ہے آپ کی ایک ایک ادا اور طرح کی
Kasa liye hai dar pe khadi husn ki duniya
Hai aap ki ek ek ada aur tarah ki
اے زائرِ طیبہ تری آنکھوں پہ فدا میں
ان آنکھوں میں ہے بات ذرا اور طرح کی
Ae zaair-e-Taybah teri aankhon pe fida main
In aankhon mein hai baat zara aur tarah ki
کیوں مرضِ تبسم کی گرہ کھول رہے ہو
اس کی تو طبیبو ہے دوا اور طرح کی
Kyun marz-e-tabassum ki girah khol rahe ho
Iski to tabibo hai dawa aur tarah ki
Share This Naat
Share with friends and family
مانگی تھی مدینے میں دعا اور طرح کی
حافظ محمد ابوبکر تبسمؔ