آہ! شاہِ بحر و بر! میں مدینہ چھوڑ آیا
کوہِ غم پڑا سر پر، میں مدینہ چھوڑ آیا
Aah! Shah-e-behr o bar! mein Madina chhor aya
Koh-e-gham pada sr par, mein Madina chhor aya
آہ! مسجدِ نبوی، ہائے گنبدِ خَضرا
آہ! روضۂ انور، میں مدینہ چھوڑ آیا
Aah! Masjid-e-Nabwi, haye Gunbad-e-Khazra
Aah! Rozah-e-Anwar, mein Madina chhor aya
غم کے چھا گئے بادَل، دل میں مچ گئی ہَل چل
آہ! اے مرے یاور! میں مدینہ چھوڑ آیا
Gham ke cha gaye badal, dil mein mach gayi halchal
Aah! Ae mere yavar! mein Madina chhor aya
جب چلا تھا طیبہ کو، تھی خوشی مرے دل کو
آہ! اب ہے دل مُضطَر! میں مدینہ چھوڑ آیا
Jab chala tha Taiba ko, thi khushi mere dil ko
Aah! Ab hai dil muzdar! mein Madina chhor aya
دل میں بیقراری ہے اورگِریہ طاری ہے
بہ رہی ہے چشمِ تَر، میں مدینہ چھو ڑ آیا
Dil mein beqarari hai orgiryah tari hai
Beh rahi hai chashm-e-tar, mein Madina chor aya
چُھپ گیا نگاہوں سے، آہ! سب مدینے کا
دلکش و حسیں منظر، میں مدینہ چھوڑ آیا
Chhup gaya nigahon se, aah! sab Madine ka
Dilkash o haseen manzar, mein Madina chhor aya
قلب پارہ پارہ ہے، ہجرِ شہ نے مارا ہے
آہ !میرے چارہ گر! میں مدینہ چھوڑ آیا
Qalb parah parah hai, hijr-e-shah ne mara hai
Aah! Mere chaarah gar! mein Madina chhor aya
اب غمِ مدینہ سے، چاک چاک سینہ ہے
کیوں کہوں نہ رو رو کر، میں مدینہ چھوڑ آیا
Ab gham-e-Madina se, chaak chaak seena hai
Kyun kahoon na ro ro kar, mein Madina chhor aya
لُطف جو ہے طیبہ میں وہ کہاں وطن میں ہے
کیا کروں گا جا کر گھر، میں مدینہ چھوڑ آیا
Lutf jo hai Taiba mein vo kahan vatan mein hai
Kya karun ga ja kar ghar, mein Madina chhor aya
لَوٹ کر نہ میں آتا، کاش! جان دے دیتا
گِر کے خاکِ طیبہ پر، میں مدینہ چھوڑ آیا
Lot kar na mein aata, kaash! jaan de deta
Gir ke khaak-e-Taiba par, mein Madina chhor aya
آہ! دن مدینے کے، جلد جلد گزرے تھے
ہائے جلد چُھوٹا در، میں مدینہ چھوڑ آیا
Aah! din Madine ke, jald jald guzre the
Haye jald chhuta dar, mein Madina chhor aya
دن کو بھی سُرور آتا، شب کو بھی ضَرور آتا
کیا فَضا تھی کیف آور، میں مدینہ چھوڑ آیا
Din ko bhi suroor aata, shab ko bhi zarur aata
Kya fiza thi kaif aawar, mein Madina chhor aya
تھا وہاں سماں نوری، رنج و غم سے تھی دُوری
آہ! نور کے پیکر! میں مدینہ چھوڑ آیا
Tha vahan samaan noori, ranj o gham se thi doori
Aah! Noor ke paikar! mein Madina chhor aya
وقتِ ہجر جب آیا، پھوٹ پھوٹ کر رویا
درد ناک تھا منظر، میں مدینہ چھوڑ آیا
Waqt-e-hijr jab aya, phoot phoot kar roya
Dard naik tha manzar, mein Madina chhor aya
ہِجر کا ہے صدمہ اور سینہ و جگر میرے
رکھ کے قلب پر پتّھر، میں مدینہ چھوڑ آیا
Hijr ka hai sadma aur seena o jigar mere
Rakh ke qalb par pattar, mein Madina chhor aya
ہِجر کے میں صدموں سے، چُور چُور زخموں سے
چل رہا تھا رَو رَو کر، میں مدینہ چھوڑ آیا
Hijr ke mein sadmon se, choor choor zakmon se
Chal raha tha ro ro kar, mein Madina chhor aya
جب مدینہ چُھوٹا تھا غم کا کوہ ٹُوٹا تھا
جان و دل لئے مُضطَر میں مدینہ چھوڑ آیا
Jab Madina chhuta tha gham ka koh toota tha
Jaan o dil liye muzdar mein Madina chhor aya
سبز گنبد اور مینار، آہ! چُھٹ گئے سرکار
پھر بُلایئے سروَر، میں مدینہ چھوڑ آیا
Sabz gunbad aur mainar, aah! chhut gaye Sarkar
Phir bulaiye Sarwar, mein Madina chhor aya
تھا غمِ مدینہ میں ، فُرقتِ مدینہ میں
دل مرا بَہُت مُضطَر، میں مدینہ چھوڑ آیا
Tha gham-e-Madina mein, furqat-e-Madina mein
Dil mera bahut muzdar, mein Madina chhor aya
میرے حامی و ہَمدم! دُور ہوں جہاں کے غم
دے دو اپنا غم سروَر! میں مدینہ چھوڑ آیا
Mere haami o hamdam! door hon jahan ke gham
De do apna gham Sarwar! mein Madina chhor aya
دل میں ہے پریشانی، ہو کرم اے سلطانی
آؤ خواب میں سرور! میں مدینہ چھوڑ آیا
Dil mein hai pareshani, ho karam ae Sultani
Aao khwab mein Sarwar! mein Madina chhor aya
دل کی ہے عَجب حالت، صدمہ و غمِ فُرقت
الفِراق اے سروَر !میں مدینہ چھوڑ آیا
Dil ki hai ajab haalat, sadma o gham-e-furqat
Al-firaaq ae Sarwar! mein Madina chhor aya
چلدیا سفینہ ہے چُھٹ گیا مدینہ ہے
ہائے ! کیا کروں سرور میں مدینہ چھوڑ آیا
Chal diya safina hai chhut gaya Madina hai
Haye! kya karun Sarwar mein Madina chhor aya
غم کی ہو گیا تصویر، آہ! ہجر ہے تقدیر
چُپ ہوا ہوں رو رو کر! میں مدینہ چھوڑ آیا
Gham ki ho gaya tasveer, aah! hijr hai taqdeer
Chup hua hoon ro ro kar! mein Madina chhor aya
دور ہو گیا سرکار! آہ! غمزدہ عطارؔ
جلد آؤں پھر در پر، میں مدینہ چھوڑ آیا
Door ho gaya Sarkar! aah! ghamzada Attar
Jald aaun phir dar par, mein Madina chhor aya
Share This Naat
Share with friends and family
آہ! شاہِ بحر و بر! میں مدینہ چھوڑ آیا
الیاس عطار قادری