سناندی اے کوئی کہانی نبیؐ جی
مرے اتھروواں دی روانی نبیؐ جی
Sunandi ae koyee kahani Nabiؐ ji
Mere athrowan di rawani Nabiؐ ji
رہوے جاری ایہہ میرے درداں دا سوما
تے ہوندی رہوے ترجمانی نبیؐ جی
Rahwe jari eh mere dardan da soma
Te hondi rahwe tarjumani Nabiؐ ji
منوں جگ دی ہر شے توں ودھ کے اے پیاری
تساڈے کرم دی نشانی نبی ؐ جی
Mannu jag di har she ton wadh ke ae pyari
Tashada karam di nishani Nabiؐ ji
تساڈے ای ناں نال پھبّی ہوئی اے
ایہہ بے رنگ جہی میری بانی نبیؐ جی
Tashada ee naan nal phabi hoyi ae
Eh be rang jehi meri bani Nabiؐ ji
کھلو کے میں قدماں دے وچ نعت آکھاں
فر آوے گھڑی اوہ سہانی نبیؐ جی
Khalo ke mein kadman de vich naa'th aakhan
Fir aave ghari oh suhani Nabiؐ ji
چلن ویکھ کے قوم دا ڈاہڈا مندا
مری جان اے نموجھانی نبیؐ جی
Chalan vekh ke quam da dadha manda
Mari jaan ae namujhani Nabiؐ ji
رکھو ایہدے سر اُتّے ہتھ مہر والا
اج امت اے ڈاہڈی نمانی نبیؐ جی
Rakho ehde sar utte hath mehr wala
Aj ummat ae dadhi numani Nabiؐ ji
نبیؐ جی دیہو بھیک مُسکان والی
اساں تے کرو مہربانی نبی ؐ جی
Nabiؐ ji deho bheek muskan wali
Assan te karo mehrbani Nabiؐ ji
نبیؐ جی مٹے روحاں دی بیقراری
سکھالی ہووے زندگانی نبیؐ جی
Nabiؐ ji mitte roohan di beqarari
Sukhali hove zindgani Nabiؐ ji
نبیؐ جی کدی خوا ب وچ مکھ وکھاؤ
کرو دور دل دی ورانی نبیؐ جی
Nabiؐ ji kadi khwab vich mukh vikhawo
Karo door dil di warani Nabiؐ ji
نبیؐ جی جے اک جھات ایہدے تے پاؤ
بلے لگے تائب دی تانی نبیؐ جی
Nabiؐ ji je ik jhat ehde te pao
Bale lage taib di tani Nabiؐ ji
Share This Naat
Share with friends and family
سناندی اے کوئی کہانی نبیؐ جی
حفیظ تائب