یہی ہے آرزو ایسی کوئی تدبیر ہو جائے
مدینے کا سفر یا رب مری تقدیر ہو جائے
Yehi hai aarzoo aisi koi tadbeer ho jaye
Madinay ka safar ya Rab meri taqdeer ho jaye
ہمیشہ حاضری ہوتی رہے آقا کی چوکھٹ پر
اشارہ آپ فرما دیں تو کیوں تاخیر ہو جائے
Hamesha hazri hoti rahe aaqa ki chaukhat par
Ishara aap farma dein to kyun takheer ho jaye
سمو لُوں اپنی آنکھوں میں اُجالا سبز گنبد کا
مری تو زندگی میں ہر طرف تنویر ہو جائے
Samo loon apni aankhon mein ujala sabz gunbad ka
Meri to zindagi mein har taraf tanveer ho jaye
بناؤں دل کے کاغذ پر میں نقشہ شہرِ طیبہ کا
ہمیشہ کے لئے محفوظ یہ تصویر ہو جائے
Banaon dil ke kagaz par main naqsha shehar-e-taiba ka
Hamesha ke liye mehfooz ye tasweer ho jaye
ثنا گوئی میں گزرے زندگی آقا کی نگری میں
بڑی ہی خوبصورت خواب کی تعبیر ہو جائے
Sana goi mein guzray zindagi aaqa ki nagri mein
Bari hi khoobsurat khwab ki tabeer ho jaye
شہِ والا یہ فرما دیں ،بہت ہی خوبصورت ہے،
کوئی تو نعت ایسی ناز سے تحریر ہو جائے
Shah-e-wala ye farma dein, bohat hi khoobsurat hai,
Koi to naat aisi naaz se tehreer ho jaye
Share This Naat
Share with friends and family
یہی ہے آرزو ایسی کوئی تدبیر ہو جائے
صفیہ ناز