نبیؐ کے شہرِ پُرانوار کا ارادہ ہے
کہ دشت ِ روح میں ظلمت بہت زیادہ ہے
Nabi ﷺ ke sheher-e-puranwar ka irada hai
ke dasht e rooh mein zulmat bohat zyada hai
گرفتِ تیرہ شبی سے نکلنے والا ہوں
مری نگاہ میں خیر الوریٰؐ اکا جادہ ہے
girift-e-teerah shabi se nikalne wala hoon
meri nigah mein Khair-ul-Wara ﷺ ka jadah hai
ہو جیسے چشمہ کوئی ٹھنڈے میٹھے پانی کا
نظام میرے نبیؐ کا کچھ ایسا سادہ ہے
ho jaise chashma koi thandey meethe pani ka
nizam mere Nabi ﷺ ka kuch aisa sada hai
خیال و خواب پہ وہ آستاں ہے چھایا ہوا
جہاں فلک بھی ادب سے جبیں نہادہ ہے
khayal o khwab pe wo aastan hai chhaya hua
jahan falak bhi adab se jabeen nahadah hai
مری نگاہ میں ہے بخت کا سکندر وہ
فقیر بابِ کرم پر جو ایستادہ ہے
meri nigah mein hai bakht ka Sikandar wo
faqeer bab-e-karam par jo eastadah hai
گلی میں آپ کی دن پھر گئے گداؤں کے
کچھ ایسا آپ کا دستِ کرم کشادہ ہے
gali mein aap ki din phir gaye gadaon ke
kuch aisa aap ka dast-e-karam kushadah hai
کھڑا ہے در پہ یہ بیٹا کنیزِ فاطمہ کا
فگندہ سر ہے کہ تائب غلام زادہ ہے
khara hai dar pe ye beta kaneez-e-Fatima ka
faganda sar hai ke taib ghulam zadah hai
Share This Naat
Share with friends and family
نبیؐ کے شہرِ پُرانوار کا ارادہ ہے
حفیظ تائب