shukar khuda k aaj ghari us safar ki ha

شکر خدا کہ آج گھڑی اُس سفر کی ہے جس پر نِثار جان فلاح و ظفر کی ہے

Shukr Khuda keh aaj ghari us safar ki hai Jis par nisar jaan falah o zafar ki hai

گرمی ہے تپ ہے درد ہے کلفت سفر کی ہے ناشکر یہ تو دیکھ عزیمت کدھر کی ہے

Garmi hai tap hai dard hai kulfat safar ki hai Nashukri yeh to dekh azeemat kidhar ki hai

کِس خاکِ پاک کی تو بنی خاکِ پا شفا تجھ کو قسم جنابِ مسیحا کے سر کی ہے

Kis khaak-e-paak ki tu bani khaak-e-pa shifa Tujh ko qasam janab-e-masihah ke sar ki hai

آبِ حیات رُوح ہے زرقاکی بُوند بُوند اکسیر اعظم مس دل خاک در کی ہے

Aab-e-hayat rooh hai zarqa ki boond boond Aksir a'zam mas dil khaak-e-dar ki hai

ہم کو تو اپنے سائے میں آرام ہی سے لائے حِیلے بہانے والوں کو یہ راہ ڈر کی ہے

Hum ko to apne saaye mein aaram hi se laaye Heele bahanay walon ko yeh raah dar ki hai

لُٹتے ہیں مارے جاتے ہیں یُوں ہی سُنا کیے ہر بار دی وہ امن کہ غیرت حضر کی ہے

Luttay hain maare jaatay hain yun hi suna kiye Har baar di woh aman keh ghairat hazar ki hai

وہ دیکھو جگمگاتی ہے شب اور قمر ابھی پہروں نہیں کہ بَست و چَہارُم صفر کی ہے

Woh dekho jagmagati hai shab aur qamar abhi Pehron nahi keh bast o charum safar ki hai

!مَاہِ مَدینہ اپنی تجَلّی عطا کرے یہ ڈھلتی چاندنی تو پہر دو پہر کی ہے

!Mah-e-Madina apni tajalli ata kare Yeh dhalti chandni to pehar do pehar ki hai

مَنْ زَارَ تُرْبَتِیْ وَجَبَتْ لَہ ٗ شَفَا عَتِیْ اُن پر درود جن سے نوید اِن بُشَر کی ہے

Man zara turbati wajabat lahu shafā'ti Un par darood jin se naveed in bashar ki hai

اس کے طفیل حج بھی خدا نے کرا دیے اصلِ مُراد حاضری اس پاک در کی ہے

Is ke tufail hajj bhi khuda ne kara diye Asl-e-murad haziri is paak dar ki hai

کعبہ کا نام تک نہ لیا طیبہ ہی کہا پوچھا تھا ہم سے جس نے کہ نَہْضَتکدھر کی ہے

Kaaba ka naam tak na liya Taiba hi kaha Poocha tha hum se jis ne keh nahzat kidhar ki hai

کعبہ بھی ہے اِنھیں کی تَجلی کا ایک ظل روشن اِنہی کے عکس سے پُتلی حجر کی ہے

Kaaba bhi hain inhin ki tajalli ka aik zil Roshan inhin ke aaks se putli hajr ki hai

ہوتے کہاں خلیل و بِنا کعبہ و منیٰ لولاک والے صَاحبی سب تیرے گھر کی ہے

Hote kahan Khaleel o bina kaaba o mina Lolak wale sahib, sab tere ghar ki hai

مَولیٰ علی نے واری تِری نیند پر نماز اور وہ بھی عصر سب سے جو اَعلیٰ خطرکی ہے

Maula Ali ne waari teri neend par namaz Aur woh bhi asar sab se jo a'la khatar ki hai

صِدیق بلکہ غار میں جان اس پہ دے چکے اور حفظِ جاں تو جان فروضِ غررکی ہے

Siddique balke ghar mein jaan is pe de chuke Aur hifz-e-jaan to jaan faroz-e-gharar ki hai

ہاں تو نے ان کو جان انھیں پھیر دی نماز پَر وہ تو کر چکے تھے جو کرنی بشر کی ہے

Haan tu ne unhein jaan inhein pher di namaz Par woh to kar chuke the jo karni bashar ki hai

ثابت ہوا کہ جملہ فرائض فروع ہیں اصل الاصول بندگی اس تاجور کی ہے

Saabit hua keh jumla faraa'iz faroo' hain Asl al-usul bandagi is tajwar ki hai

شرخیر شور سورؔ شرر دور نار نور! بشریٰ کہ بارگاہ یہ خیر البشر کی ہے

Shar khair shor sor sharr door naar noor! Bashra keh bargah yeh khair al-bashar ki hai

مجرم بُلائے آئے ہیں جَاءُ وْکَ ہے گواہ پھر رَد ہو کب یہ شان کریموں کے در کی ہے

Mujrim bulae aaye hain jaauka hai gawah Phir rad ho kab yeh shan karimon ke dar ki hai

بد ہیں مگر اُنہیں کے ہیں باغی نہیں ہیں ہم نجدی نہ آئے اس کو یہ منزل خطر کی ہے

Bad hain magar unhin ke hain baghi nahi hain hum Najdi na aaye is ko yeh manzil khatar ki hai

تف نجدیت نہ کفر نہ اسلام سب پہ حرف کافر اِدھر کی ہے نہ اُدھر کی اَدھر کی ہے

Taf Najdiyat na kufr na Islam sab pe harf Kafir idhar ki hai na udhar ki udhar ki hai

حاکم حکیم داد و دَوا دیں یہ کچھ نہ دیں مَردُود یہ مُراد کِس آیت، خبر کی ہے

Hakim hakeem daad o dawa dein yeh kuch na dein Mardood yeh muraad kis aayat, khabar ki hai

شکل بشر میں نورِ الٰہی اگر نہ ہو! کیا قدر اُس خمیرئہ مَا و مَدَر کی ہے

Shakal bashar mein noor-e-ilahi agar na ho! Kya qadr us khameeryeh maa o madar ki hai

نُورِ اِلٰہ کیا ہے محبت حبیب کی جس دل میں یہ نہ ہو وہ جگہ خوک و خر کی ہے

Noor-e-ilah kya hai muhabbat habib ki Jis dil mein yeh na ho woh jagah khook o khar ki hai

ذِکر خدا جو اُن سے جدا چاہو نجدیو! وَاللہ ذِکرِ حق نہیں کنجی سَقَرکی ہے

Zikr Khuda jo un se juda chaho najdiyo! Wallah zikr-e-haq nahi kunji saqar ki hai

بے اُن کے واسطہ کے خدا کچھ عطا کرے حاشا غلط غلط یہ ہوس بے بصر کی ہے

Be un ke waasta ke Khuda kuch ata kare Hasha ghalat ghalat yeh havas be basar ki hai

مقصود یہ ہیں آدم و نوح و خلیل سے تخمِ کرم میں ساری کرامت ثمر کی ہے

Maqsud yeh hain Adam o Nuh o Khaleel se Tukhm-e-karam mein saari karamat samar ki hai

اُن کی نبوت اُن کی اُبوت ہے سب کو عام اُمّ البشر عروس انہیں کے پِسر کی ہے

Un ki nabuwat un ki abuwat hai sab ko aam Umm al-bashar aroos unhin ke pisar ki hai

ظاہِر میں میرے پھول حقیقت میں میرے نخل اس گل کی یاد میں یہ صَدا بوالبشر کی ہے

Zahir mein mere phool haqeeqat mein mere nakhl Is gul ki yaad mein yeh sada Bual Bashar ki hai

پہلےہو ان کی یاد کہ پائے جِلا نماز یہ کہتی ہے اذان جو پچھلے پہر کی ہے

Pehle ho un ki yaad ke paye jila namaz Yeh kehti hai azaan jo pichlay pehar ki hai

دُنیا مزار حشر جہاں ہیں غفور ہیں ہر منزل اپنے چاند کی منزل غفرکی ہے

Dunya mazaar hashar jahan hain ghafoor hain Har manzil apne chaand ki manzil ghufar ki hai

اُن پر دُرود جن کو حجر تک کریں سلام اُن پر سلام جن کو تحیّت شجر کی ہے

Un par durood jin ko Hajr tak karein salaam Un par salaam jin ko t’hiyyat shajar ki hai

اُن پر دُرود جن کو کسِ بے کساں کہیں اُن پر سلام جن کو خبر بے خبر کی ہے

Un par durood jin ko kis-e-bekasaan kahein Un par salaam jin ko khabar be khabar ki hai

جنّ و بشر سلام کو حاضر ہیں اَلسَّلَام یہ بارگاہ مالکِ جنّ و بشر کی ہے

Jinn o bashar salaam ko haazir hain al-salaam Yeh baargaah maalik-e-jinn o bashar ki hai

شمس و قمر سلام کو حاضر ہیں اَلسَّلَام خوبی انھیں کی جوت سے شمس و قمر کی ہے

Shams o qamar salaam ko haazir hain al-salaam Khoobi unhein ki joat se shams o qamar ki hai

سب بحر و بر سلام کو حاضر ہیں اَلسَّلَام تملیک اُنھیں کے نام تو ہر بحر و بر کی ہے

Sab bahr o bar salaam ko haazir hain al-salaam Tamlik unhein ke naam to har bahr o bar ki hai

سنگ و شجر سلام کو حاضر ہیں اَلسَّلَام کلمے سے تر زبان درخت و حجر کی ہے

Sang o shajar salaam ko haazir hain al-salaam Kalma se tar zubaan darakht o hajar ki hai

عرض و اثر سلام کو حاضر ہیں اَلسَّلَام ملجا یہ بارگاہ دُعا و اثر کی ہے

Arz o asar salaam ko haazir hain al-salaam Malja yeh baargaah dua o asar ki hai

شوریدہ سر سلام کو حاضر ہیں اَلسَّلَام راحت انھیں کے قدموں میں شوریدہ سر کی ہے

Shoreeda sar salaam ko haazir hain al-salaam Rahat unhein ke qadamoun mein shoreeda sar ki hai

خستہ جگر سلام کو حاضر ہیں اَلسَّلَام مرہم یہیں کی خاک تو خستہ جگر کی ہے

Khasta jigar salaam ko haazir hain al-salaam Marham yehin ki khaak to khasta jigar ki hai

سب خشک و تر سلام کو حاضر ہیں اَلسَّلَام یہ جلوہ گاہ مالکِ ہر خشک و تر کی ہے

Sab khushk o tar salaam ko haazir hain al-salaam Yeh jalwa gaah maalik-e-har khushk o tar ki hai

سب کرّ و فر سلام کو حاضر ہیں اَلسَّلَام ٹوپی یہیں تو خاک پہ ہر کرّ و فر کی ہے

Sab kurr o far salaam ko haazir hain al-salaam Topi yehin to khaak pe har kurr o far ki hai

اہلِ نظر سلام کو حاضر ہیں اَلسَّلَام یہ گرد ہی تو سُرمہ سب اہلِ نظر کی ہے

Ahl-e-nazar salaam ko haazir hain al-salaam Yeh gard hi to surma sab ahl-e-nazar ki hai

آنسو بہا کہ بہہ گئے کالے گنہ کے ڈھیر ہاتھی ڈوباؤ جھیل یہاں چشمِ تر کی ہے

Aansoo baha ke beh gaye kaale gunah ke dhaer Haathi doobao jheele yahaan chashm-e-tar ki hai

تیری قضا خلیفۂ احکامِ ذِی الجلال تیری رضا حلیف قضا و قدر کی ہے

Teri qaza khaleefa-e-ahkaam-e-zi-ljalal Teri raza haleef qaza o qadar ki hai

یہ پیاری پیاری کیاری تِرے خانہ باغ کی سرد اس کی آب و تاب سے آتش سقر کی ہے

Yeh pyari pyari kiyaari tere khaana baagh ki Sard is ki aab o taab se aatish saqar ki hai

جنّت میں آکے نار میں جاتا نہیں کوئی شکرِ خدا نوید نجات و ظفر کی ہے

Jannat mein aake naar mein jata nahin koi Shukr-e-Khuda naveed nijaat o zafar ki hai

مومن ہوں، مومنوں پہ رَءُوۡفٌ رَّحِیم ہو سائل ہوں، سائلوں کو خوشی لا نَہَر کی ہے

Momin hoon, momino pe ra'oof o raheem ho Sa'il hoon, sa'ilon ko khushi la nahr ki hai

دامن کا واسطہ مجھے اُس دھوپ سے بچا مجھ کو تو شاق جاڑوں میں اِس دوپہر کی ہے

Daman ka waasita mujhe us dhoop se bacha Mujh ko to shaak jaadon mein is dopehr ki hai

ماں، دونوں بھائی، بیٹے، بھتیجے، عزیز، دوست سب تجھ کو سونپے مِلک ہی سب تیرے گھر کی ہے

Maan, dono bhai, bete, bhatije, azeez, dost Sab tujh ko sonpe milk hi sab tere ghar ki hai

جن جن مرادوں کے لیے احباب نے کہا پیشِ خبیر کیا مجھے حاجت خبر کی ہے

Jin jin muraadon ke liye ahbaab ne kaha Pesh-e-Khabeer kiya mujhe haajat khabar ki hai

فضلِ خدا سے غیبِ شہادت ہوا انھیں اس پر شہادت آیت و وحی و اثر کی ہے

Fazl-e-Khuda se ghaib-e-shahaadat hua unhein Is par shaadat ayat o wahi o asar ki hai

کہنا نہ کہنے والے تھے جب سے تو اطلاع مولیٰ کو قول و قائل و ہر خشک و تر کی ہے

Kehna nah kehne waale the jab se tu ittila Moula ko qoul o qa'il o har khushk o tar ki hai

اُن پر کتاب اتری بَیَانًا لِّکُلِّ شَیْء تفصیل جس میں مَا عَبَر و مَا غَبَر کی ہے

Un par kitaab utari bayanan likulli shay Tafseel jisme ma 'abar o ma ghabar ki hai

آگے رہی عطا وہ بقدرِ طلب تو کیا عادت یہاں امید سے بھی بیشتر کی ہے

Aage rahi atta woh biqadar-e-talab to kya Aadat yahaan umeed se bhi bishtar ki hai

بے مانگے دینے والے کی نعمت میں غرق ہیں مانگے سے جو ملے کسے فہم اس قدر کی ہے

Be maange dene waale ki ni'mat mein gharg hain Maange se jo mile kise fahm is qadar ki hai

اَحباب اس سے بڑھ کے تو شاید نہ پائیں عرض ناکردہ عرض عرض یہ طرزِ دگر کی ہے

Ahbaab is se barh ke to shaayad na paayein arz Na karda arz arz yeh tarz-e-digar ki hai

دنداں کا نعت خواں ہوں نہ پایاب ہوگی آب ندّی گلے گلے مِرے آبِ گُہر کی ہے

Dandan ka na'at khawan hoon nah paayab hogi aab Naddi galay galay mere aab-e-guhar ki hai

دشتِ حرم میں رہنے دے صیّاد اگر تجھے مٹّی عزیز بلبلِ بے بال و پر کی ہے

Dasht-e-Haram mein rehne de sayyaad agar tujhe Mitti azeez bulbul-e-bay-baal o par ki hai

یا رب! رضؔا نہ احمدِ پارینہ ہو کے جائے یہ بارگاہ تیرے حبیبِ اَبَر کی ہے

Ya Rab! Raza na Ahmed-e- pareena ho ke jaaye Yeh baargaah tere Habeeb-e-abar ki hai

توفیق دے کہ آگے نہ پیدا ہو خوئے بد تبدیل کر جو خصلتِ بد پیشتر کی ہے

Tawfeeq de ke aage nah paida ho khoye bad Tabdeel kar jo khaslat-e-bad pesh-tar ki hai

آ کچھ سُنا دے عشق کے بولوں میں، اے رضؔا! مشتاق طبع لذّتِ سوزِ جگر کی ہے

Aa kuch suna de ishq ke bolon mein, ae Raza! Mushtaq tab' lazzat-e-sooz-e-jigar ki hai

شکر خدا کہ آج گھڑی اُس سفر کی ہے

Share This Naat

Related Naats

نہ ایسا کوئی تھا نہ ہے وہ پیکرِ جمال ہے

یہ کس شہنشہِ والا کی آمَد آمَد ہے

نعمت ربِّ رحمت پہ لاکھوں سلام

مرحَبا آج چلیں گے شہِ اَبرار کے پاس