والیِ دیدہ و دل ، ماحی و حاشر میرے
تیرے محکوم ہیں مخفی و مظاہر میرے
waali-e deedah o dil, maahi o haashir mere
tere makhdoom hain makhfi o mazahir mere
تیری دہلیز کی خیرات ، مرا شوق و طلب
تیری خوشبو تری آواز مناظر میرے
teri dehleez ki khairat, mera shauq o talab
teri khushboo teri awaaz manazir mere
اپنے قدموں سے سرافراز مجھے بھی فرما
میں بھی چھوٹا سا مدینہ ہوں مہاجر میرے
apne qadmon se sarafraaz mujhe bhi farma
main bhi chhota sa madinah hoon muhajir mere
تیرے بازار میں بکنے کے لئے آیا ہوں
کاتبین اور نکیرین ہیں تاجر میرے
tere bazaar mein bikne ke liye aaya hoon
katibeen aur nakeerein hain taajir mere
جسم میرا ہے یہاں ٗ سانس وہاں لیتا ہوں
سبز گنبد کی طرف اڑتے ہیں طائر میرے
jism mera hai yahan, saans wahan leta hoon
sabz gunbad ki taraf urtay hain tair mere
دوڑ جائیں تری شیرینیاں شریانوں میں
کاش جالی کی تری ہونٹ چھوئیں پھر میرے
dorr jayein teri sheereeniyan shariyaanon mein
kaash jaali ki teri hont chuein phir mere
میری بینائی کسی اور کی مقروض نہیں
مجھ میں ہیں صرف ترے رنگ مصوّر میرے
meri beenai kisi aur ki maqrooz nahin
mujh mein hain sirf tere rang musawwir mere
نام ہوگا مرا ، فہرستِ کرم میں ان کی
میں غلام اُن کا ہوں آقا ہیں وہ آخر میرے
naam hoga mera, fehrist-e karam mein un ki
main ghulam un ka hoon aaqa hain woh aakhir mere
میرا ہر سانس مظفر ہے انہی کا صدقہ
مالا مال ان کی محبت سے ، ذخائر میرے
mera har saans Muzaffar hai inhi ka sadqa
maala maal un ki mohabbat se, zakhayir mere
Share This Naat
Share with friends and family
الیِ دیدہ و دل
مظفر وارثی