مَرَضِ عشق کا بیمار بھی کیا ہوتا ہے
جتنی کرتا ہے دوا دَرد سوا ہوتا ہے
Maraz-e-ishq ka bemar bhi kya hota hai
Jitni karta hai dawa dard siwa hota hai
کیوں عبث خوف سے دل اپنا ہوا ہوتا ہے
جب کرم آپ کا عاصی پہ شہا ہوتا ہے
Kyun abas khauf se dil apna hua hota hai
Jab karam aap ka aasi pe shaha hota hai
جس کا حامی وہ شہِ ہر دو سرا ہوتا ہے
قید و بندِ دوجہاں سے وہ رِہا ہوتا ہے
Jis ka haami woh sheh-e-har do sara hota hai
Qaid o band-e-do jahan se woh riha hota hai
اُن کا اِرشاد ہے اِرشادِ خداوندِ جہاں
یہ وہی کہتے ہیں جو رب کا کہا ہوتا ہے
Un ka irshad hai irshad-e-khuwand-e-jahan
Yeh wohi kehte hain jo Rab ka kaha hota hai
بادشاہانِ جہاں ہوتے ہیں منگتا اُس کے
آپ کے کوچے کا شاہا جو گدا ہوتا ہے
Badshahan-e-jahan hotay hain mangta us ke
Aap ke kooche ka shaha jo gada hota hai
پلہ نیکی کا اِشارے سے بڑھا دیتے ہیں
جب کرم بندہ نوازی پہ تلا ہوتا ہے
Palla neki ka ishare se barha dete hain
Jab karam banda nawizi pe tala hota hai
سارا عالم ہے رضا جوئے خداوند ِ جہاں
اور خدا آپ کا جویائے رضا ہوتا ہے
Sara aalam hai raza joeye khuwand-e-jahan
Aur Khuda aap ka joyaye raza hota hai
ہم نے یوں شمعِ رِسالت سے لگائی ہے لو
سب کی جھولی میں اُنہیں کا تو دِیا ہوتا ہے
Hum ne yun shama-e-risalatt se lagai hai lo
Sab ki jholi mein unhi ka to diya hota hai
اَز شہا تا بگدایانِ جہاں اِک عالم
آپ کے دَر پہ شہا عرض رَسا ہوتا ہے
Az shaha ta bagdayan-e-jahan aik aalam
Aap ke dar pe shaha arz rassa hota hai
ایسی سرکار ہے بھرپور جہاں سے لینے
روز ایک میلہ نیا دَر پہ لگا ہوتا ہے
Aisi sarkar hai bharpoor jahan se lene
Roz aik mela naya dar pe laga hota hai
دونوں ہاتھوں سے لٹاتے ہیں خزانہ لیکن
جتنا خالی کریں اُتنا ہی بھرا ہوتا ہے
Dono hatho se lutate hain khazana lekin
Jitna khaali karein utna hi bara hota hai
کردہ ناکردہ اِشارے میں تمہارے ہوجائے
بے کیا آپ کے صدقہ میں کیا ہوتا ہے
Karda nakarda ishare mein tumhare ho jaye
Bay kya aap ke sadqa mein kya hota hai
بیکس و بے بس و بے یارو مَددگار جو ہو
آپ کے دَر سے شہا سب کا بھلا ہوتا ہے
Bekas o bebas o be yaaro madadgar jo ho
Aap ke dar se shaha sab ka bhala hota hai
ان سے دشمن کی مصیبت نہیں دیکھی جاتی
دشمنوں کے لیے جی اُن کا برا ہوتا ہے
Un se dushman ki museebat nahi dekhi jati
Dushmano ke liye ji un ka bura hota hai
جگمگا اُٹھتا ہے دل کا مِرے ذَرَّہ ذَرَّہ
جب مرا جانِ قمر جلوہ نما ہوتا ہے
Jagmaga uthta hai dil ka mere zarra zarra
Jab mera jaan-e-qamar jalwa numa hota hai
آپ محبوب ہیں اللہ کے ایسے محبوب
ہر محب آپ کا محبوبِ خدا ہوتا ہے
Aap mehboob hain Allah ke aise mehboob
Har mohib aap ka mehboob-e-Khuda hota hai
جس گلی سے تو گزرتا ہے مرے جانِ جناں
ذَرَّہ ذَرَّہ تری خوشبو سے بسا ہوتا ہے
Jis gali se tu guzarta hai mere jaan-e-janaan
Zarra zarra teri khushbu se basa hota hai
عرشِ اَعلیٰ سے کہیں بالا ہے رتبہ اس کا
آپ کے قدموں سے سر جس کا لگا ہوتا ہے
Arsh-e-ala se kahin bala hai rutba is ka
Aap ke qadmo se sar jis ka laga hota hai
پیاسو مژدہ ہو کہ وہ ساقیٔ کوثر آئے
چین ہی چین ہے اب جام عطا ہوتا ہے
Piason musjda ho ke woh saqi-e-kauser aaye
Chain hi chain hai ab jaam ata hota hai
آستانے کے گداؤں کے لیے رحمت ہے
اور اَعدا پہ شہا قہرِ خدا ہوتا ہے
Aastane ke gadaō ke liye rehmat hai
Aur adaa pe shaha qahr-e-khuda hota hai
کب گل طیبہ کی خوشبو سے بسیں گے دل و جاں
دیکھئے کب کرمِ بادِ صبا ہوتا ہے
Kab gul tayyaba ki khushbu se basenge dil o jaan
Dekhiye kab karam-e-bad-e-saba hota hai
دیکھئے غنچۂ دِل اپنا کھلے گا کب تک
دیکھئے کب دِلِ پژمردہ ہرا ہوتا ہے
Dekhiye ghuncha-e-dil apna khule ga kab tak
Dekhiye kab dil-e-pazmorda hara hota hai
کب بہارِ چمنِ طیبہ نظر آتی ہے
دیکھئے کب دلِ پژمردہ ہرا ہوتا ہے
Kab bahar-e-chaman-e-tayyaba nazar aati hai
Dekhiye kab dil-e-pazmorda hara hota hai
سر بلندی اسے حاصل ہے جناب ِرب میں
جو کوئی دَر پہ ترے ناصیہ سا ہوتا ہے
Sar bulandi ise hasil hai janab-e-Rab mein
Jo koi dar pe tere naseeya sa hota hai
دل تپا سوزِ محبت سے کہ سب میل چھٹے
تپنے کے بعد ہی تو سونا کھرا ہوتا ہے
Dil tapa soz-e-mohabbat se ke sab mail chhute
Tapne ke baad hi to sona khara hota hai
کب مٹانے سے کسی کے خطِ تقدیر مٹے
ہو کے رہتا ہے جو قسمت کا لکھا ہوتا ہے
Kab mitane se kisi ke khat-e-taqdeer mite
Ho ke rehta hai jo qismat ka lekha hota hai
محو اِثبات کی ہاں آپ نے قدرت پائی
تم جو چاہو تو برا آج بھلا ہوتا ہے
Mahw isbat ki haan aap ne qudrat pai
Tum jo chaho to bura aaj bhala hota hai
تیرا دِیدار مُیَسَّر ہو جسے نورِ خدا
اُسے دنیا ہی میں دِیدارِ خدا ہوتا ہے
Tera deedar muyassar ho jise noor-e-khuda
Use duniya hi mein deedar-e-khuda hota hai
وہ نہیں حشر میں جو ہوگا شہا بے پردہ
بلکہ جو آپ کے پردہ میں عطا ہوتا ہے
Woh nahi hashar mein jo hoga shaha be-parda
Balkay jo aap ke parda mein ata hota hai
تیرا جلوہ نہیں اللہ کا جلوہ ہے وہ
تیری صورت سے خدا جلوہ نما ہوتا ہے
Tera jalwa nahi Allah ka jalwa hai woh
Teri surat se Khuda jalwa numa hota hai
تو ہے آئینۂ ذاتِ اَحدِی اے پیارے
یوں اسی کا ہے وہ جلوہ جو ترا ہوتا ہے
Tu hai aaeena-e-zaat-e-ahdi ae pyare
Yun usi ka hai woh jalwa jo tera hota hai
دَاغِ دِل میں جو مزہ پایا ہے نوریؔ تم نے
ایسا دنیا کی کسی شے میں مزا ہوتا ہے
Daagh-e-dil mein jo maza paaya hai Noori tum ne
Aisa duniya ki kisi shay mein maza hota hai
Share This Naat
Share with friends and family
مَرَضِ عشق کا بیمار بھی کیا ہوتا ہے
مفتی مصطفٰی رضا خان