جب آنکھ عشق میں نَم ہو تو نعت ہوتی ہے
فراقِ شاہ کا غم ہو تو نعت ہوتی ہے
Jab aankh ishq mein nam ho to naat hoti hai
Firaq-e-shah ka gham ho to naat hoti hai
ہُجومِ فیضِ اَتَم ہو تو نعت ہوتی ہے
جو فنّ و عشق میں دَم ہو تو نعت ہوتی ہے
Hujum-e-faiz-e-atam ho to naat hoti hai
Jo fan-o-ishq mein dam ho to naat hoti hai
ہو ذوقِ حضرتِ حسّان و کعب ، ،سوزِ بلال
مدد پہ دستِ نِعَم ہو تو نعت ہوتی ہے
Ho Zouq-e-Hazrat-e-Hassaan o Kaab, soz-e-Bilal
Madad pe dast-e-nam ho to naat hoti hai
لِحاظِ شرع بھی لازم ہے ، اور اس کےلیے
رَہِ رضا پہ قدم ہو تو نعت ہوتی ہے
Lihaz-e-shar'a bhi laazim hai, aur is ke liye
Rahe raza pe qadam ho to naat hoti hai
جو کائنات کے دولہا ہیں ، ان کی نُصرَت کا
سجائے سہرا قلم ہو تو نعت ہوتی ہے
Jo kainaat ke dolha hain, un ki nusrat ka
Sajae sehrā qalam ho to naat hoti hai
برائے وَصفِ مَطافِ معانی و الفاظ
زمینِ ذہن حَرَم ہو تو نعت ہوتی ہے
Baraye wasf-e-mataf-e-maani o alfaaz
Zameen-e-zehn haram ho to naat hoti hai
یہ بات مجھ پہ ہوئی ہے عیاں کہ قسمت میں
اگر دخولِ اِرَم ہو تو نعت ہوتی ہے
Ye baat mujh pe hui hai ayaan ke qismat mein
Agar dukhool-e-iram ho to naat hoti hai
اگرچہ فن پہ مکمل ہو دسترس ، پھر بھی
’’خدا کا خاص کرم ہو تو نعت ہوتی ہے‘‘
Agarche fan pe mukammal ho dastaras, phir bhi
"Khuda ka khaas karam ho to naat hoti hai"
فقط تَلَمُّذِ میر و جگر نہیں کافی
رضائے شاہِ اُمَم ہو تو نعت ہوتی ہے
Fqat talamudh-e-meer o jigar nahi kaafi
Raza-e-shah-e-umam ho to naat hoti hai
ہو فکر مَحوْ معظمؔ طوافِ جاناں میں ،
اور ان کی چشمِ کرم ہو تو نعت ہوتی ہے
Ho fikr-e-mahhu moazzam tawaaf-e-janaan mein,
Aur un ki chashm-e-karam ho to naat hoti hai
Share This Naat
Share with friends and family
جب آنکھ عشق میں نَم ہو تو نعت ہوتی ہے
معظم سدا معظم مدنی