رات کا پچھلا پہر ہو مصطفیٰؐ ہو اور مَیں
نُور میں ڈوبا ہوا غارِ حرا ہو اور مَیں
Raat ka pichla pehar ho Mustafaؐ ho aur main
Noor mein dooba hua Gaar-e-Hira ho aur main
روشنی ہی روشنی ہو چار جانب ، چار سُو
ایک میٹھا اور لمبا رت جگا ہو اور مَیں
Roshni hi roshni ho chaar janib, chaar su
Ek meetha aur lamba rat jaga ho aur main
دوسرا کوئی نہ ہو آقائے بطحا کے سوا
آنسوؤں کا ایک جھلمل سلسلہ ہو اور مَیں
Doosra koi na ho Aaqa-e-Bat'haa ke siwa
Aansoo'on ka ek jhalmil silsila ho aur main
اُنؐ کے دامن کی مہک سے رات ہو مہکی ہوئی
میرا منہ اُنؐ کے کفِ پا چُومتا ہو اور مَیں
Unؐ ke daaman ki mehak se raat ho mehki hui
Mera munh unؐ ke kaf-e-paa choomta ho aur main
میری آنکھوں میں ندامت کی نمی ہو اور بَس
میرے ہونٹوں پر فقط صلِّ علیٰ ہو اور مَیں
Meri aankhon mein nadamat ki nami ho aur bas
Mere honton par faqat Salli 'ala ho aur main
اپنی پلکوں سے ہٹاؤں اُنؐ کے جوتُوں سے غبار
میرے سر پر سایۂ رحمت سجا ہو اور مَیں
Apni palkon se hataoon unؐ ke jutoon se ghubaar
Mere sar par saya-e-rehmat saja ho aur main
میری جانب دیکھتے ہوں دو جہانوں کے امام
میرا یہ سر اُنؐ کے قدموں میں پڑا ہو اور مَیں
Meri janib dekhte hon do jahanon ke Imaam
Mera ye sar unؐ ke kadmon mein para ho aur main
خواب میں جاؤں میں انجؔم اِس طرح اُنؐ کے حضور
رحمتوں کا چار جانب جمگھٹا ہو اور مَیں
Khawab mein jaoon main Anjum is tarah unؐ ke huzoor
Rehmaton ka chaar janib jamghaṭa ho aur main
Share This Naat
Share with friends and family
رات کا پچھلا پہر ہو مصطفیٰؐ ہو اور مَیں
انجم نیازی