سر تا بقدم ہے تن سُلطانِ زَمن پھول
لب پھول دَہن پھول ذَقن پھول بدن پھول
Sar ta baqadam hai tan sultan-e-zaman phool
Lab phool dahan phool zaqan phool badan phool
صدقے میں تِرے باغ تو کیا لائے ہیں ’’بن‘‘ پھول
اِس غُنْچۂ دل کو بھی تو اِیما ہو کہ بن پھول
Sadqay mein tiray bagh to kya laye hain "ban" phool
Is ghuncha-e-dil ko bhi to eima ho ke ban phool
تنکا بھی ہمارے تو ہلائے نہیں ہلتا
تم چاہو تو ہو جائے ابھی کوہِ محن پھول
Tinka bhi hamaray to hilaaye nahi hilta
Tum chaho to ho jaye abhi koh-e-mehn phool
وَاللہ جو مِل جائے مِرے گل کا پسینہ
مانگے نہ کبھی عِطْر نہ پھر چاہے دُلہن پھول
Wallah jo mil jaye meray gul ka paseena
Mangay na kabhi itr na phir chahe dulhan phool
دِل بستہ و خُوں گشتہ نہ خوشبُو نہ لطافت
کیوں غنچہ کہوں ہے مِرے آقا کا دَہن پھول
Dil basta o khoon gushta na khushbu na latafat
Kyun ghancha kahoon hai meray aaqa ka dahan phool
شب یاد تھی کن دانتوں کی شبنم کہ دَمِ صبح
شوخانِ بہاری کے جڑاؤ ہیں کرن پھول
Shab yaad thi kin danton ki shabnam ke dam-e-subah
Shokhan-e-bahari ke jurao hain karan phool
دندان و لب و زلف و رُخِ شہ کے فِدائی
ہیں دُرِّ عدن ، لعلِ یمن ، مُشکِ ختن پھول
Dandan o lab o zulf o rukh-e-shah ke fidaai
Hain dur-e-adn, laal-e-yaman, mushk-e-khitan phool
بو ہو کہ نہاں ہو گئے تابِ رُخِ شہ میں
لَو بن گئے ہیں اب تو حسینوں کا دہن پھول
Bo ho ke nihan ho gaye tab-e-rukh-e-shah mein
Lo ban gaye hain ab to haseenon ka dahan phool
ہوں بارِ گنہ سے نہ خجل دوشِ عزیزاں
لِلّٰہ مِری نعش کر اے جانِ چمن پھول
Hon baar-e-gunah se na khajal dosh-e-azezaan
Lillah meri naash kar ae jaan-e-chaman phool
دِل اپنا بھی شیدائی ہے اس ناخنِ پا کا
اتنا بھی مہِ نو پہ نہ اے چرخ کُہن! پھول
Dil apna bhi shidai hai is naakhun-e-paa ka
Itna bhi meh-e-no par na ae charkh kuhan! phool
دِل کھول کے خُوں رو لے غمِ عارضِ شہ میں
نکلے تو کہیں حسرتِ خوں نابہ شدن پھول
Dil khol ke khoon ro le gham-e-aariz-e-shah mein
Niklay to kahin hasrat-e-khoon naaba shudan phool
کیا غازہ مَلا گردِ مدینہ کا جو ہے آج
نِکھرے ہوئے جو بن میں قیامت کی پھبن پھول
Kya ghaza mila gard-e-Madina ka jo hai aaj
Nikhre hue jo ban mein qayamat ki phaban phool
گرمی یہ قیامت ہے کہ کانٹے ہیں زباں پر
بلبل کو بھی اے سَاقیٔ صہبَا و لبن پھول
Garmi yeh qayamat hai ke kaantay hain zabaan par
Bulbul ko bhi ae saaqi-e-sahba o laban phool
ہے کون کہ گِریہ کرے یا فاتحہ کو آئے
بیکس کے اُٹھائے تِری رحمت کے بھرن پھول
Hai kaun ke girya kare ya fatiha ko aaye
Bekas ke uthaaye teri rehmat ke bharan phool
دل غم تجھے گھیرے ہیں خدا تجھ کو وہ چمکائے
سُورج تِرے خرمن کو بنے تیری کرن پھول
Dil gham tujhe ghiray hain khuda tujh ko woh chamkaye
Sooraj tere khirman ko banay teri karan phool
کیا بات رضاؔ اُس چمنستانِ کرم کی
زہرا ہے کلی جس میں حُسین اور حسن پھول
Kya baat Raza us chamanistan-e-karam ki
Zahra hai kali jis mein Husain aur Hasan phool
Share This Naat
Share with friends and family
سر تا بقدم ہے تن سُلطانِ زَمن پھول
احمد رضا خان بریلوی