سخیاں دے سخی سرور سردار توں صدقے
نقش شہ لاثانی دے میں پیار توں صدقے
Sakhiyan de sakhi sarwar sardar to sadaqay
naqsh shah lasani de main pyar to sadaqay
رب جانے کی مٹھے مٹھے بولاں چہ سی تیرے
جو سن دا سی ہو جاندا سی سرکار توں صدقے
Rab janay ki mithay mithay bolan chah si teray
jo sun da si ho janda si sarkar to sadaqay
جھک گئے تیرے قدماں اُتے اپنے تے پرائے
دشمن وی ہوئے یار دی گفتار توں صدقے
Jhuk gaye teray kadman uttay apnay te pararaye
dushman wi hoay yaar di guftar to sadaqay
بھلی نئیں کدی مینوں کریماں دی کریمی
لج پال کریماں دے میں کردار توں صدقے
Bhali nahin kadi mainu karima di karimi
lajpal kariman de main kirdar to sadaqay
لاثانی اے میخانہ تے لاثانی نیں مے خوار
میخانے توں صدقے تیرے میخوار توں صدقے
Lasani ay maikhana te lasani nein may khawar
maikhanay to sadaqay teray maikhawar to sadaqay
سید نے غماں ماریاں دے درد ونڈائے
کیوں ہوواں نہ ایسے سخی غمخوار توں صدقے
Syed ne ghama mariyan de dard wandae
kyon huwan na aisay sakhi ghamkhar to sadaqay
خواہاں چہ میرے آ جا میرے درد ونڈا جا
دل جان کراں میں تیرے دیدار توں صدقے
Khawahan chah meray aa ja meray dard wanda ja
dil jan karan main teray deedar to sadaqay
لاثانی دے لاثانی دا ہے جو وی وفادار
لوں لوں میرا لاثانی دے اُس یار توں صدقے
Lasani de lasani da hai jo wi wafadar
loon loon mera lasani de us yaar to sadaqay
اوه وقت وی آوے گا نیازی بڑی چھیتی
ہو وے گا ایہہ جگ آپ دے دربار توں صدقے
Owh waqt wi awa ga Niazi bari cheeti
ho way ga eh jag aap de darbar to sadaqay
Share This Naat
Share with friends and family
سخیاں دے سخی سرور سردار توں صدقے
عبدالستار نیازی