جب ورد زباں نام ہو محبوب خدا کا
سمجھو کہ یہ ہنگام ہے مقبول دعا کا
Jab vird zubaan naam ho mahboob e Khuda ka
Samjho keh yeh hungaam hai maqbool e dua ka
ہے لطف ترے در پہ فقیرانہ صدا کا
ہے تیرا ہی در ملجا و ماویٰ غربا کا
Hai lutaf tere dar pe faqeerana sada ka
Hai tera hi dar malja o mawa ghuraba ka
اللہ غنی مرتبہ حضرتؐ کی ثنا کا
حسان کو بخشا گیا انعام ردا کا
Allah ghani martaba Hazratؐ ki sana ka
Hassaan ko bakhsha gaya inaam e rida ka
یہ اجر ملے مجھ کو تری مدح و ثنا کا
دل ورد کرے شام و سحر صل علی ٰ کا
Yeh ajar mile mujh ko teri madah o sana ka
Dil vird kare shaam o seher sali alaٖ ka
اب میری نظر میں رہے یہ نور خدا کا
شیدا ہوں مدینے کی دل افروز فضا کا
Ab meri nazar mein rahe yeh noor e Khuda ka
Sheeda hoon Madine ki dil afroz fiza ka
دنیا کہ نہ تھی واقف عرفان الہٰی
دنیا کو ملا آپ سے عرفان خدا کا
Duniya keh na thi vaqif irfan e ilahi
Duniya ko mila aap se irfan e Khuda ka
ہیں شمس و قمر بھی تیرے جلوؤں سے ضیا گیر
تو چاند ہے اے میر عرب غار حرا کا
Hain shams o qamar bhi tere jalo'on se diya geer
Tu chaand hai ai Meer e Arab Ghar e Hira ka
جاں بخش تھا اعجاز لب عیسیٰؑ مریم
ہے معجزہ قرآن مبیں شاہؐ ہدیٰ کا
Jaan bakhsh tha aijaaz lab e Eisaؑ Maryam
Hai mo'jza Quran e Mubeen Shahؐ Huda ka
قرباں ترے انوار کے اے باغ مدینہ
جھونکا کوئی مجھ کو بھی عنایت ہو ہوا کا
Qurban tere anwaar ke ai bagh e Madina
Jhonka koi mujh ko bhi inayat ho hawa ka
میں چاہتا ہوں نعت کی کیفیت دائم
میں مانگتا ہوں شاہ امم سوز نوا کا
Mein chahta hoon naat ki kefiyat daaim
Mein maangta hoon Shah e Umam soz e nawa ka
ہے دست کرم میں ترے کونین کی نعمت
قبضے میں خزینہ ہے ترے ہر دوسرا کا
Hai dast e karam mein tere konain ki ni'mat
Qabze mein khazina hai tere har doosra ka
تو شافع محشر بھی ہے محبوبؐ خدا بھی
ہے فیصلہ ہاتھوں میں ترے روز جزا کا
Tu Shafi e Mahshar bhi hai Mahboobؐ Khuda bhi
Hai faisla haathon mein tere roz e jaza ka
یثرب میں جو ناساز ہوئی طبع صحابہ
خواجہ ؐ نے بدل ڈالا نظام آب و ہوا کا
Yasrab mein jo nasaz hui tab'e sahaba
Khuwajaؐ ne badal d(r)aala nizam aab o hawa ka
مظہر کی فقیری میں بھی ہے شان غنا کی
شاہانہ ہے انداز محمد ؐ کے گدا کا
Mazhar ki faqeerii mein bhi hai shan e ghina ki
Shahana hai andaaz Muhammadؐ ke gada ka
Share This Naat
Share with friends and family
جب ورد زباں نام ہو محبوب خدا کا
مظہر الدین مظہر