اس سے ظاہر ہے مقام و مرتبہ سرکار کا
ہے سرِ عرشِ معلیٰ نقشِ پا سرکار کا
Is se zahir hai maqam o martaba sarkar ka
Hai sar e arsh e mualla naqsh e pa sarkar ka
جس نے دیکھا اک نظر وہ ہو گیا سرکار کا
دیکھنے والوں نے دیکھا معجزہ سرکار کا
Jis ne dekha ik nazar woh ho gaya sarkar ka
Dekhnay walon ne dekha mojza sarkar ka
کام کرتا ہے یہاں بھی، بھیج کردیکھو درود
ہے مدینے میں بھلے دارالشفا سرکار کا
Kaam karta hai yahan bhi, bhej kar dekho durood
Hai Madinay mein bhalay dar ul shifa sarkar ka
حشر کے میدان میں اپنی شفاعت کے لئے
آسرا ہے تو ہمیں بس آسرا سرکار کا
Hashr ke maidan mein apni shafaat ke liye
Aasra hai to humein bas aasra sarkar ka
زلف عنبر بو ہے ان کی آیتِ والیل میں
والضحیٰ میں چہرئہ شمس الضحیٰ سرکار کا
Zulf anbar boo hai unki aayat e walail mein
Wazzuha mein chehra e shams ud duhuha sarkar ka
کس طرف سے وہ ابھی گزرے ہیں، اصحابِ نبی
کر لیا کرتے تھے خوشبو سے پتہ سرکار کا
Kis taraf se woh abhi guzray hain, ashaab e Nabi
Kar liya karte the khushbu se pata sarkar ka
باوضو ہوکر درودِ پاک پڑھتی ہے ردیف
نعت میں لاتا ہوں میں جب قافیہ سرکار کا
Baozo hokar durood e pak padhti hai radeef
Naat mein lata hoon main jab qaafiya sarkar ka
رات دن پڑھتے رہیں گر اپنے آقا پر درود
ہم نہ کر پائیں گے پھر بھی حق ادا سرکار کا
Raat din padhte rahein gar apne aaqa par durood
Hum na kar payenge phir bhi haq ada sarkar ka
عشقِ سرکارِ دو عالم کا تقاضہ ہے شفیقؔ
ہو ہمیشہ ہی زباں پر تذکرہ سرکار کا
Ishq e sarkar e do aalam ka taqaza hai Shafiq
Ho hamesha hi zubaan par tazkara sarkar ka
Share This Naat
Share with friends and family
اس سے ظاہر ہے مقام و مرتبہ سرکار کا
شفیق ؔ رائے پوری