ہواواں وچ نبی دا نور چمکے
فضاواں وچ نبی دا نور چمکے
Hawawan vich Nabi da Noor chamke
fazawan vich Nabi da Noor chamke
چمکدی ویکھ بجلی کہن عاشق
گھٹاواں وچ نبی دا نور چمکے
Chamakdi vekh bijli kehan aashiq
ghatawan vich Nabi da Noor chamke
نظر تاہیوں تے ہندی پار جاوے
خلاواں وچ نبی دا نور چمکے
Nazar tahioun te hndi paar jaave
khalawan vich Nabi da Noor chamke
بنے سورج تے چن سوہنے دے نوروں
شعاواں وچ نبی دا نور چمکے
Bane sooraj te chan sohney de Nooron
shawan vich Nabi da Noor chamke
درود آقا تے پڑھ کے جدوی کریئے
دعاواں وچ نبی دا نور چمکے
Darood aaqa te parh ke jad vi kariye
duawan vich Nabi da Noor chamke
جو آل اطہار تے ہندیاں نے صائم
رداواں وچ نبی دا نور چمکے
Jo Aal-e-athar te hndiyan ne Saeem
radawan vich Nabi da Noor chamke
Share This Naat
Share with friends and family
ہواواں وچ نبی دا نور چمکے
علامہ صائم چشتی