جب ہے مرے آقاؐ کی عطا تازہ بتازہ
پھرکیوں نہ ہوں گلہائے ثنا تازہ بتازہ
Jab hai mere aqa (S.A.W) ki ata taza ba taza
Phir kyu na ho gulha-e-sana taza ba taza
عشق آپ کا ہے غنچہ کشا سینہ بہ سینہ
یہ جذبہ ہے مانندِ صبا تازہ بتازہ
Ishq aap ka hai gunchah kasha seenah ba seenah
Ye jazbah hai manind-e-saba taza ba taza
پاتی ہیں نمو خیر کی اقدار اسی سے
سیرت کا گلستاں ہے سدا تازہ بتازہ
Pati hain namo khair ki aqdar isi se
Seerat ka gulistan hai sada taza ba taza
ہو جس میں بسی آپ کے تذکار کی خوشبو
رہتی ہے وہی آب و ہوا تازہ بتازہ
Ho jis mein basi aap ke tazkar ki khushbu
Rehti hai wahi aab o hawa taza ba taza
ڈوبے کئی مہتاب تو اجڑے کئی گلزار
اک دینِ نبیؐ ہے کہ رہا تازہ بتازہ
Dobe kai mehtaab to ujray kai gulzar
Ek deen-e-nabi (S.A.W) hai ke raha taza ba taza
دے گا وہی اک روز مجھے اذنِ حضوری
رکھتا ہے جو ارمان مرا تازہ بتازہ
De ga wahi ek roz mujhe izn-e-hazoori
Rakhta hai jo arman mera taza ba taza
اک حبس ہے گھیرے ہوئے ماحول کو میرے
یا رب! رہے تائب کی نوا تازہ بتازہ
Ek habs hai ghere huye mahol ko mere
Ya Rab! rahe taib ki nawa taza ba taza
Share This Naat
Share with friends and family
جب ہے مرے آقاؐ کی عطا تازہ بتازہ
حفیظ تائب