ہم پر کرم فرماتے رہنا
اپنے پاس بلاتے رہنا
Hum par karam farmate rehna
Apne paas bulate rehna
اپنا تو بس کام یہی ہے
اپنی عرض سناتے رہنا
Apna to bas kaam yehi hai
Apni arz sunate rehna
بگڑی بن جائیں گی باتیں
گیت نبی کے گاتے رہنا
Bigdri ban jayein gi baatein
Geet Nabi ke gate rehna
سر رکھ کر ان کی چوکھٹ پر
سوئے بھاگ جگاتے رہنا
Sar rakh kar un ki chaukhat par
Soye bhaag jagate rehna
دل کی مرادیں بر آئیں گی
بزم نعت سجاتے رہنا
Dil ki muradein bar aayengi
Bazm-e-naat sajate rehna
بعد فنا بھی نام رہے گا
ان کی دھوم مچاتے رہنا
Baad fana bhi naam rahe ga
Un ki dhoom machate rehna
غم کے بادل چھٹ جائیں گے
ان کو حال سناتے رہنا
Gham ke badal chhat jayein ge
Un ko haal sunate rehna
ان کے نور کی باتیں سن کر
قسمت کو چمکاتے رہنا
Un ke noor ki baatein sun kar
Qismat ko chamkate rehna
صدقہ اپنی آل کا آقا
خواب میں آتے جاتے رہنا
Sadqa apni aal ka aaqa
Khawab mein aate jate rehna
سب کی بات بنانے والے
میری بات بناتے رہنا
Sab ki baat banane wale
Meri baat banate rehna
آقا کی ہے فرض محبت
تم یہ فرض نبھاتے رہنا
Aaqa ki hai farz mohabbat
Tum ye farz nibhate rehna
پیارے نبی کی پیاری یادو
میرے دل میں آتے رہنا
Pyaare Nabi ki pyaari yaadon
Mere dil mein aate rehna
عشق نبی کے جام نیازی
پیتے اور پلاتے رہنا
Ishq-e-Nabi ke jaam Niazi
Peete aur pilate rehna
Share This Naat
Share with friends and family
ہم پر کرم فرماتے رہنا
عبدالستار نیازی