تری عظمت کے سُورج کو زوال آیا نہیں اب تک
کسی کے ذہن میں ایسا خیال آیا نہیں اب تک
Teri azmat ke sooraj ko zawal aaya nahi ab tak
Kisi ke zehan mein aisa khayal aaya nahi ab tak
کروڑوں لوگ آئے اور آ کے چل دیے لیکن
ترے جیسا کوئی مرد کمال آیا نہیں اب تک
Karoron log aaye aur aa ke chal diye lekin
Tere jaisa koi mard-e-kamal aaya nahi ab tak
بہت گرد و غبار اُٹھتا رہا تاریخ میں تاہم
تری بابت کوئی کمتر سوال آیا نہیں اب تک
Bohat gard o gubaar uthta raha tareekh mein taham
Teri baabat koi kamtar sawal aaya nahi ab tak
تراشی ہے خدا نے کتنی چاہت سے تریؐ قامت
ترؐا ثانی کوئی مردِ جمال آیا نہیں اب تک
Tarashi hai Khuda ne kitni chahat se teri qamat
Tera saani koi mard-e-jamal aaya nahi ab tak
تُو دانائے سُبل، ختم الرسلؐ، مولائے گُل ٹھہرا
ترے جیسا زمیں پر خوش خصال آیا نہیں اب تک
Tu danaye subal, Khatamur Rusul, Molaaye Gul thehra
Tere jaisa zameen par khush khisal aaya nahi ab tak
کوئی تنقید کر سکتا نہیں تیری رسالت پر
کسی بھی سمت سے حرفِ مجال آیا نہیں اب تک
Koi tanqeed kar sakta nahi teri risalat par
Kisi bhi simt se harf-e-majal aaya nahi ab tak
ترے ؐجیسے عظیم انسان کی چاہت ہے سینوں میں
زمیں کی پشت پر قحط الرّجال آیا نہیں اب تک
Tere jaise azeem insan ki chahat hai seenon mein
Zameen ki pusht par qaht-ul-rijal aaya nahi ab tak
Share This Naat
Share with friends and family
تری عظمت کے سُورج کو زوال آیا نہیں اب تک
انجم نیازی