شاخِ گل پر چہچہاتے ہیں اسیرانِ قفس
دہر میں تشریف لائے غم زدوں کے داد رس
Shaakh-e-gul par chehchahete hain asiraan-e-qafas
Dehr mein tashreef laaye gham zadon ke daad ras
آگئے دینے رہائی ظلم و استبداد سے
ہر یتیم و بے کس و مظلوم کے فریاد رس
Aagaye dene rehai zulm o istibdaad se
Har yateem o be-kas o mazloom ke faryaad ras
آپ آئے آگئی کونین میں فصلِ بہار
شادماں ہیں بلبل و گل، شاد ہیں مور و مگس
Aap aaye aagayi konain mein fasl-e-bahar
Shaadman hain bulbul o gul, shaad hain mor o magas
آپ نے بخشا زمانے کو شعورِ بندگی
عابد و زاہد ہوئے سب بندۂ حرص و ہوس
Aap ne bakhsha zamane ko shaoor-e-bandagi
Abid o zahid hue sab banda-e-hirs o havas
جس کو جو چاہیں عطا کردیں پیمبر بے حساب
رب نے بخشے ہیں انھیں وہ اختیار و دسترس
Jis ko jo chahen ata kardein paighambar be-hisaab
Rab ne bakhsh hain inhein woh ikhtiyaar o dastaras
وہ ضعیفہ آپ کے اخلاق پر شیدا ہوئی
راہ میں سرکار کے جو ڈالتی تھی خار و خس
Woh zaifeh aap ke ikhlaaq par sheda hui
Rah mein sarkar ke jo daalti thi khaar o khas
وقت ہے سرکار کی سنت میں خود کو ڈھال لے
کیا خبر ہے ٹوٹ جائے کب ترا تارِ نفس
Waqt hai sarkar ki sunnat mein khud ko dhal le
Kya khabar hai toot jaye kab tera taar-e-nafas
جیتے جی میں دیکھ لوں دہلیز آقاؐ آپ کی
بارشِ لطف و کرم کر دیجیے اِک بار بس
Jeete ji mein dekh lun dehleez aqa SAW aap ki
Baarish-e-lutf o karam kar dijiye ik baar bas
دیکھو احسؔن جاتے ہیں خوش بخت شہرِ مصطفیٰؐ
آرہی ہے کاروانِ حج کی آوازِ جرس
Dekho Ahsan jaate hain khush bakht shehr-e-Mustafa SAW
Aarahi hai karwaan-e-Hajj ki aawaaz-e-jaras
Share This Naat
Share with friends and family
شاخِ گل پر چہچہاتے ہیں اسیرانِ قفس
احسن اعظمی