اذاں میں مصطفیٰ کا نام جب ارشاد ہو وے ہے
سرِ مژگاں شہِ کونین کا میلاد ہو وے ہے
Azaan mein Mustafa ka naam jab irshaad ho we hai
Sar-e-muzhgaan shah-e-konain ka melaad ho we hai
ادب سے نعت کے سارے محاسن سیکھتا ہوں میں
محبت کا حسیں جذبہ مرا استاد ہو وے ہے
Adab se naat ke saare mahaasin seekhta hoon mein
Mohabbat ka haseen jazba mera ustad ho we hai
اسے ہر چیز ملتی ہے شہِ ابرار کے در سے
مدینے کا گدا ہر فکر سے آزاد ہو وے ہے
Use har cheez milti hai shah-e-abrar ke dar se
Madine ka gada har fikr se aazaad ho we hai
کہاں کچھ یاد رہتا ہے سوائے اسمِ سرور کے
نصابِ عشقِ سرور کا سبق جب یاد ہووے ہے
Kahan kuch yaad rehta hai siwaye ism-e-sarwar ke
Nisaab-e-ishq-e-sarwar ka sabaq jab yaad ho we hai
شفاعت کی توقع پر درودِ پاک پڑھتا ہوں
مرے پیشِ نظر سرکار کا ارشاد ہو وے ہے
Shafaat ki tawaqqo par darood-e-paak padhta hoon
Mere pesh-e-nazar sarkaar ka irshaad ho we hai
بنا کر میم خالق نے بنایا دو جہانوں کو
الف بے کا جھمیلا بعد میں ایجاد ہو وے ہے
Bana kar meem Khaaliq ne banaya do jahanon ko
Alif be ka jhameela baad mein ijaad ho we hai
اسی کے نام سے اشفاقؔ ہیں جذبات وابستہ
کہ جس کا نامِ نامی بس خدا کے بعد ہو وے ہے
Isi ke naam se Ashfaq hain jazbaat waabasta
Ke jis ka naam-e-naami bas Khuda ke baad ho we hai
Share This Naat
Share with friends and family
اذاں میں مصطفیٰ کا نام جب ارشاد ہو وے ہے
اشفاق احمد غوری