نبی کی ولادت کا جلسہ منائیں، عبادت نہیں ہے تو پھر اور کیا ہے
یہاں ذکر ان کا سنیں اور سنائیں یہ قسمت نہیں ہے تو پھر اور کیا ہے
Nabi ki wiladat ka jalsa manain, ibadat nahi hai to phir aur kya hai
Yahan zikr unka sunain aur sunain yeh qismat nahi hai to phir aur kya hai
ہمیں بارھویں سے ہے اتنی عقیدت کہ عیدوں سے بڑھ کر اسے جانتے ہیں
مناتے ہیں آقا کا یومِ ولادت، سعادت نہیں ہے تو پھر اور کیا ہے
Hamein barhween se hai itni aqidat ke eidoun se barh kar use jante hain
Manate hain aqa ka Youm-e-Wiladat, sa'adat nahi hai to phir aur kya hai
خدا کی طرف سے تھی اسریٰ کی دعوت چلے عرش کو وہ بصد شان و شوکت
سرِ لامکاں مصطفیٰ جا کے ٹھہرے، یہ رفعت نہیں ہے تو پھر اور کیا ہے
Khuda ki taraf se thi Isra ki dawat chale arsh ko woh ba-sid shaan-o-shaukat
Sar-e-La Makan Mustafa ja ke teharay, yeh rif'at nahi hai to phir aur kya hai
مدینہ کے خطے خدا تجھ کو رکھے، ہے نسبت تجھے سرورِ انبیا سے
تری سمت ہم سر کے بل چل کے آئیں، یہ چاہت نہیں ہے تو پھر اور کیا ہے
Madinah ke khitte Khuda tujh ko rakhe, hai nisbat tujhe Sarwar-e-Anbiya se
Teri simt hum sar ke bal chal ke aain, yeh chahat nahi hai to phir aur kya hai
نظر میں بسا ہے وہ آقا کا گنبد تصور میں ہیں ان کے محراب و منبر
ہمیں موت آجاتی اس سرزمیں پر، یہ حسرت نہیں ہے تو پھر اور کیا ہے
Nazar mein basa hai woh aqa ka gunbad tasawwur mein hain unke mehrab o minbar
Hamen maut aajati us sarzameen par, yeh hasrat nahi hai to phir aur kya hai
وہ ہیں مالک کل مگر پھر بھی ان کی غذا ہے وہی جَو کی سوکھی سی روٹی
شکم پر بندھا ہے جو آقا کے پتھر، قناعت نہیں ہے تو پھر اور کیا ہے
Woh hain malik e kul magar phir bhi unki ghaza hai wohi jaw ki sookhi si roti
Shikam par bandha hai jo aqa ke pathar, qana'at nahi hai to phir aur kya hai
کریں گے مرے آقا محشر کا سجدہ ملے گا شرف ان کو رب کی رضا کا
سنائیں گے ہم کو وہ جنت کا مژدہ، شفاعت نہیں ہے تو پھر اور کیا ہے
Karein ge mere aqa mahshar ka sajda milega sharaf unko Rab ki raza ka
Sunain ge hum ko woh jannat ka mujda, shafaat nahi hai to phir aur kya hai
وہ تھے میرے دادا علی جن کے سر پر بندھا یومِ خیبر نیابت کا سہرا
اکھاڑا بچشمِ زدن بابِ خیبر، شجاعت نہیں ہے تو پھر اور کیا ہے
Woh the mere dada Ali jinke sar par bandha Youm-e-Khaibar niyabat ka sehra
Ukhaara bachasm-e-zadan Bab-e-Khaibar, shuja'at nahi hai to phir aur kya hai
رسولِ معظم کا کلمہ پڑھیں جو مگر پھر بھی ان کی برائی کریں جو
بشر اپنے جیسا کہیں مصطفیٰ کو عداوت نہیں ہے تو پھر اور کیا ہے
Rasool-e-Moazzam ka kalma parein jo magar phir bhi unki burai karein jo
Bashar apne jaisa kahein Mustafa ko adawat nahi hai to phir aur kya hai
پڑھی جب بھی نظمی نے نعتِ محمد تو ایمان والے سبھی جھوم اٹّھے
قلم کا یہ اعجاز احمد رضا کی کرامت نہیں ہے تو پھر اور کیا ہے
Padhi jab bhi Nazmi ne naat-e-Muhammad to imaan wale sabhi jhoom uthay
Qalam ka yeh ajaaz Ahmad Raza ki karamat nahi hai to phir aur kya hai
Share This Naat
Share with friends and family
نبی کی ولادت کا جلسہ منائیں
سید آل رسول حسنین میاں برکاتی نظمی