روزِ ازل خالق نے جاری پہلا یہ فرمان کیا
اُن کو بنا کر شاہِ رسولاں دو جگ کا سُلطان کیا
Roz-e-azal Khaaliq ne jaari pehla yeh ferman kiya
Un ko bana kar Shah-e-rasoolaan do jag ka Sultan kiya
نوکِ قلم سے عرشِ بریں پر حق نے لکھا جب نامِ نبیؐ
کون و مکاں کی ہر عظمت کا حضرتؐ کو عنوان کیا
Nok-e-qalam se arsh-e-bareen par Haq ne likha jab naam-e-Nabiؐ
Kaun o makaan ki har azmat ka Hazratؐ ko unwan kiya
شانِ ابو القاسم ؐ دیکھو تو ربِّ جہاں نے دُنیا میں
پہلے قرآں والا بھیجا، پھر نازل قرآن کیا
Shaan-e-Abul Qasimؐ dekho to Rabb-e-jahan ne duniya mein
Pehle quran wala bheja, phir naazil Quran kiya
بھیج کے ہم میں محبوب اپنا دین کے نکتے سمجھائے
پردے پردے میں اُمّت کی بخشش کا سامان کیا
Bhejh ke hum mein mehboob apna deen ke nukte samjhaye
Parde parde mein ummat ki bakhshish ka samaan kiya
آنکھیں روئیں ہجر نبیؐ میں اشکوں کی برسات ہوئی
عشق نے لمحہ لمحہ دل میں پیدا اک ہیجان کیا
Aankhen roeein hijr Nabiؐ mein ashkon ki barsaat hui
Ishq ne lamha lamha dil mein peda ek hejaan kiya
اُن کا وسیلہ رب کی رحمت کا حیلہ بن جاتا ہے
نوحؑ کی نیّا پار لگائی، مشکل کو آسان کیا
Un ka waseela Rab ki rehmat ka heela ban jata hai
Noohؑ ki naiyya paar lagai, mushkil ko aasan kiya
ظلم و ستم کا دَور گیا، تفریق و تکبّر ختم ہوئے
عدل و مساوات اور اُخُوّت کو جُزوِ ایمان کیا
Zulm o sitam ka daur gaya, tafreeq o takabbur khatam huye
Adal o masawat aur ukhuwat ko juz-e-imaan kiya
لَا تَثْرِیْبَ عَلَیْکُمْ کہہ کر بخش دیا ہر مجرم کو
فتحِ مکّہ کے دن اپنی رحمت کا اعلان کیا
Laa tasreeba alaikum keh kar bakhsh diya har mujrim ko
Fath-e-Makkah ke din apni rehmat ka elaan kiya
دین اُس کا، دُنیا بھی اُس کی، ہر شے اُس کی مُٹھی میں
جس نے اُنؐ کے نام پر اپنا تن من دھن قربان کیا
Deen uska, duniya bhi uski, har shay uski muthi mein
Jis ne unؐ ke naam par apna tan man dhan qurbaan kiya
جالی چُومی، عرض گزاری، اشک بہائے، نعت پڑھی
ہم نے مدینے جا کر دِل کا پُورا ہر ارمان کیا
Jaali choomi, arz guzaari, ashk bahaaye, naat padhi
Hum ne Madine ja kar dil ka poora har armaan kiya
غم کے بھنور سے پار لگایا شاہِؐ عرب نے کشتی کو
ہر منجدھار کا ریلا روکا، ختم ہر اک طوفان کیا
Gham ke bhanwar se paar lagaya Shahؐ-e-Arab ne kashti ko
Har manjhdhaar ka rela roka, khatam har ik toofan kiya
عجز و ادب سے اُن کا نامِ پاک لیے جانے کے لیے
نام ہماری بستی کا قدرت نے، پاکستان کیا
Ajz o adab se un ka naam-e-pak liye jaane ke liye
Naam hamari basti ka qudrat ne, Pakistan kiya
صدقے جاؤں نصیرؔ اُس آقا اُس مولا کی رحمت پر
راہ دکھا کر اُس دَر کی مجھ نِردھن پر احسان کیا
Sadqe jaaoon Naseerؔ us aaqa us Maula ki rehmat par
Raah dikha kar us dar ki mujh nirdhan par ehsaan kiya
Share This Naat
Share with friends and family
روزِ ازل خالق نے جاری پہلا یہ فرمان کیا
سید نصیرالدیں نصیر