جسے مقامِ رسولِؐ خدا نہیں معلوم
اُسے خود اپنی حقیقت ذرا نہیں معلوم
Jise maqam-e-Rasool-e-Khuda nahi maloom
Use khud apni haqeeqat zara nahi maloom
درِ حبیبؐ پہ کیا کچھ ہُوا نہیں معلوم
اثر کا علم ہے، لیکن دُعا نہیں معلوم
Dar-e-Habeeb pe kya kuch huwa nahi maloom
Asar ka ilm hai, lekin dua nahi maloom
بجز مدینہ کہیں کا پتا نہیں معلوم
نبیؐ کے بعد، کوئی دُوسرا نہیں معلوم
Bajaz Madina kahin ka pata nahi maloom
Nabi ke baad, koi doosra nahi maloom
جمالِ مصطَفَویؐ پر نثار ہیں آنکھیں
نظر کو اور کوئی آئنہ نہیں معلوم
Jamaal-e-Mustafavi par nisaar hain aankhain
Nazar ko aur koi aaina nahi maloom
پہنچ سکے گا نہ معراجِ مصطفیٰؐ کو شُعور
کہاں عُروج کی ہے انتہا، نہیں معلوم
Pohanch sake ga na Miraaj-e-Mustafa ko Shaoor
Kahan Urooj ki hai inteha, nahi maloom
پکارتے ہیں اُنہیں بے قرار ہو ہو کر
سُنیں گے کب وہ ہماری صدا، نہیں معلوم
Pukarte hain unhein be qaraar ho ho kar
Sunein ge kab woh hamari sada, nahi maloom
نہ جانے کب وہ درِ پاک پر بُلائیں ہمیں
قبول کب ہو ہماری دُعا، نہیں معلوم
Na jane kab woh dar-e-paak par bulayen humein
Qabool kab ho hamari dua, nahi maloom
مہک ہے نُور ہے، تقدیس ہے، تکیّف ہے
کہاں سے آئی ہے چل کر صبا نہیں معلوم
Mehak hai noor hai, taqdees hai, takayuf hai
Kahan se aayi hai chal kar saba nahi maloom
نصیرؔ کہتی ہے یہ آیتِ وَعَلَّمَکَ
وہ ہیں علیم و خبیر، اُن کو کیا نہیں معلوم
Naseer kehti hai ye ayat-e-waallamaka
Woh hain Aleem o Khabeer, un ko kya nahi maloom
Share This Naat
Share with friends and family
جسے مقامِ رسولِؐ خدا نہیں معلوم
سید نصیرالدیں نصیر