در پر نبی کے چاندنی آتی ہے رات بھر
نعتِ رسولِ پاک سناتی ہے رات بھر
Dar par Nabi ke chandni aati hai raat bhar
Naat-e-Rasool-e-Pak sunati hai raat bhar
جس کو نبی کی یاد ستاتی ہے رات بھر
آنکھوں میں اس کی نیند کب آتی ہے رات بھر
Jis ko Nabi ki yaad satati hai raat bhar
Aankhon mein us ki neend kab aati hai raat bhar
اس ذاتِ با کمال کا لازم ہے احترام
جسکو نبی کی یاد جگاتی ہے رات بھر
Us zaat-e-ba kamal ka laazim hai ehtram
Jisko Nabi ki yaad jagati hai raat bhar
سونے سے پہلے پڑھ لیا کیجے درودِ پاک
ملتا ہے چین نیند بھی آتی ہے رات بھر
Sone se pehle parh liya kije durood-e-Pak
Milta hai chain neend bhi aati hai raat bhar
جب سے دیارِ پاک سے آیا ہوں لوٹ کر
رہ رہ کے یاد طیبہ کی آتی ہے رات بھر
Jab se diyar-e-Pak se aaya hoon laut kar
Reh reh ke yaad Tayba ki aati hai raat bhar
عشقِ شہِ امم کی تڑپ دل میں پالئے
پھر دیکھیں کیسے وجدکراتی ہے رات بھر
Ishq-e-Shah-e-Umam ki tarap dil mein paliye
Phir dekhen kaise wajd karati hai raat bhar
شب میں بھی فیض بٹتا ہے در پر رسول کے
اُمت ادب سے آتی ہے جاتی ہے رات بھر
Shab mein bhi faiz batta hai dar par Rasool ke
Ummat adab se aati hai jati hai raat bhar
بنتِ رسول پھر بھی نہیں ہوتی مطمئن
سر بارگاہِ حق میں جھکاتی ہے رات بھر
Bint-e-Rasool phir bhi nahi hoti mutma'in
Sar bargah-e-Haq mein jhukati hai raat bhar
اے کاش ہم بھی فخر سے کہتے پھریں شفیقؔ
’’ہم کو نبی کی یاد جگاتی ہے رات بھر‘‘
Ae kaash hum bhi fakhr se kehte phirein Shafeeq
“Hum ko Nabi ki yaad jagati hai raat bhar”
Share This Naat
Share with friends and family
در پر نبی کے چاندنی آتی ہے رات بھر
شفیق ؔ رائے پوری