جمالِ روضۂ انور کا پوچھنا کیا ہے
تقدس آ کے ہمیشہ طواف کرتا ہے
Jamal-e-roudah e anwar ka poochnah kya hai
Taqaddus aa ke hamesha tawaaf karta hai
جہاں کا مرکزِ انوار جلوہ جلوہ ہے
مِرے حضور کا پُر نور وہ مدینہ ہے
Jahan ka markaz-e-anwar jalwah jalwah hai
Mire huzoor ka pur noor woh Madina hai
جُڑے رہوگے نبی سے تو فائدہ ہوگا
الگ رہو گے جو ان سے تو بس خسارہ ہے
Jude raho ge Nabi se to faaida hoga
Alag raho ge jo un se to bas khsara hai
سنبھل سنبھل دلِ بیتاب ! ہوش میں آجا
درِ رسول ہے یہ مصطفےٰ کا روضہ ہے
Sanbhal sanbhal dil-e-betab! hosh mein aa ja
Dar-e-Rasool hai yeh Mustafa ka roudah hai
نہ ہے کہیں کوئی تشبیہ ان کے تلووں کی
نہ ان کی صورتِ زیبا کا استعارہ ہے
Na hai kahin koi tashbeeh un ke talwon ki
Na un ki soorat-e-zeeba ka isti'arah hai
نبی کی زلف سے منسوب ساری راتیںہیں
انہی کے رخ سے درخشاں ہر اک سویرا ہے
Nabi ki zulf se mansoob sari raatein hain
Inhi ke rukh se darakhshan har aik sawera hai
ہماری فردِ عمل میں نہیں ہے حسنِ عمل
ہمارے پاس نبی کا فقط حوالہ ہے
Humari fard-e-amal mein nahin hai husn-e-amal
Humaray paas Nabi ka faqat hawala hai
برستی رہتی ہے نکہت درِ پیمبر پر
وہاں تو بارشِ انوار بھی ہمیشہ ہے
Barasti rahti hai nikkhat dar-e-paember par
Wahan to barish-e-anwar bhi hamesha hai
یہیں سے خور کو ملا ہے ہنر چمکنے کا
قمر نے بھی یہاں دستِ طلب پسارا ہے
Yehi se khur ko mila hai hunar chamakne ka
Qamar ne bhi yahan dast-e-talab pasara hai
شفیقؔ تم کو پتہ ہے تمہارا دل ہے کہاں
نبی کے روضۂ اقدس پہ جا کے بیٹھا ہے
Shafiq tum ko pata hai tumhara dil hai kahaan
Nabi ke roudah-e-aqdas pe ja ke baitha hai
Share This Naat
Share with friends and family
جمالِ روضۂ انور کا پوچھنا کیا ہے
شفیق ؔ رائے پوری