naat
شانِ رسالت ہم سے نہ پوچھو، پوچھو پوچھو قرآں سے
شانِ رسالت ہم سے نہ پوچھو، پوچھو پوچھو قرآں سے
رب کی عنایت ہم سے نہ پوچھو، پوچھو پوچھو قرآں سے
Shaan-e-Risalat hum se na poocho, poocho poocho Qur'an se
Rab ki inayat hum se na poocho, poocho poocho Qur'an se
نورِ محمد پہلے بنا پھر آدم کی تخلیق ہوئی
یہ اولیت ہم سے نہ پوچھو، پوچھو پوچھو قرآں سے
Noor-e-Muhammad pehle bana phir Aadam ki takhleeq hui
Ye awwaliyat hum se na poocho, poocho poocho Qur'an se
ثُمَّ دَنَا فَتَدَلیّٰ سے تا قَابَ قَوْسَیْن اَوْ اَدْنیٰ
شانِ رفعت ہم سے نہ پوچھو، پوچھو پوچھو قرآں سے
Thumma Dana Fatadalla se taa qaaba qawsayn aw adna
Shaan-e-Rifaat hum se na poocho, poocho poocho Qur'an se
واللیل و والشمّس سے ظاہر زلف و رخِ زیبا ان کا
حسنِ نہایت ہم سے نہ پوچھو، پوچھو پوچھو قرآں سے
Wal-lail wa wal-shams se zaahir zulf wa rukh-e-zeba unka
Husn-e-Nihayat hum se na poocho, poocho poocho Qur'an se
رب کے حکم سے مکہ چھوڑا طیبہ نگر آباد کیا
واقعہء ہجرت ہم سے نہ پوچھو، پوچھو پوچھو قرآں سے
Rab ke hukum se Makkah chhoda Taybah nagar abaad kiya
Waqia-e-Hijrat hum se na poocho, poocho poocho Qur'an se
رب نے ان کو خزانے بخشے، جنت مانگو جنت دیں
ان کی قدرت ہم سے نہ پوچھو، پوچھو پوچھو قرآں سے
Rab ne un ko khazaane bakshe, jannat maango jannat dein
Un ki qudrat hum se na poocho, poocho poocho Qur'an se
نفسی نفسی سب کے لب پر اَنَا لھَا سرکار کہیں
شانِ شفاعت ہم سے نہ پوچھو، پوچھو پوچھو قرآں سے
Nafsi nafsi sab ke lab par 'Ana laha Sarkar kahein
Shaan-e-Shafaat hum se na poocho, poocho poocho Qur'an se
ان کا دشمن رب کا دشمن ان کا دوست اللہ کا ولی
رب سے قربت ہم سے نہ پوچھو، پوچھو پوچھو قرآں سے
Un ka dushman Rab ka dushman un ka dost Allah ka wali
Rab se qurbat hum se na poocho, poocho poocho Qur'an se
یَعْطِیْک فرما کر رب نے ان کو سب کچھ بخش دیا
کو ثر و کثرت ہم سے نہ پوچھو، پوچھو پوچھو قرآں سے
Ya'teek farmaker Rab ne in ko sab kuch baks diya
Kausar o kasrat hum se na poocho, poocho poocho Qur'an se
آؤ نظمی ہر دم بس اللہ و رسول کا ذکر کریں
ذکر کی برکت ہم سے نہ پوچھو، پوچھو پوچھو قرآں سے
Aao Nazmi har dam bas Allah wa Rasool ka zikr karein
Zikr ki barkat hum se na poocho, poocho poocho Qur'an se
Share This Naat
Share with friends and family
شانِ رسالت ہم سے نہ پوچھو، پوچھو پوچھو قرآں سے
سید آل رسول حسنین میاں برکاتی نظمی