حُبِ رسولؐ سے ہے اگر تجھ کو احتراز
پھر تو عبث ہے زاہدِ ناداں تری نماز
Hub-e Rasool (ﷺ) se hai agar tujh ko ihtiraz
Phir to abath hai Zahid-e Nadaan teri namaz
آئے حضورؐ لے کے مساوات کا چلن
جگ سے حسب نسب کا ہوا ختم امتیاز
Aaye Huzoor (ﷺ) le ke masawaat ka chalan
Jagg se hasab nasab ka hua khatam imtiyaz
پیشِ بتانِ دیر جو تھے سجدہ ریز کل
رب کے حضور ان کے ہیں اب خم سر ِنیاز
Pesh-e butan-e dair jo the sajdah raiz kal
Rab ke huzoor un ke hain abb kham sar-e-niaz
اِسرا کی شب حضورؐ پہ وا کر دیے تمام
رکھے تھے رب نے غیب کے پردے میں جو بھی راز
Isra ki shab Huzoor (ﷺ) pe wa kar diye tamam
Rakhe the Rab ne ghaib ke parde mein jo bhi raaz
تقویٰ نہ پارسائی نہ صوم و صلوٰۃ پر
ہے رحمتِ جہاں کی غلامی پہ ہم کو ناز
Taqwa na parsai na saum o salat par
Hai rehmat-e jahan ki ghulami pe hum ko naaz
کھائی ہمیشہ مات پیمبر کے سامنے
بوجہل پھر بھی آیا نہ مکاریوں سے باز
Khai hamesha maat paimbar ke samne
Bu Jahl phir bhi aaya na makariyon se baaz
اسلام اونچ نیچ کا دیتا نہیں سبق
اس کی حسیں مثال ہیں محمود اور ایاز
Islam oonch neech ka deta nahi sabaq
Iski haseen misaal hain Mahmood aur Ayaz
پیوندِ خاکِ طیبہ میں ہو جاؤں بعدِ مرگ
بس اتنی آرزو ہے مری اے شہِ حجاز
Pewand-e khak-e Taiba mein ho jaaun baad-e marg
Bas itni aarzo hai meri ae Shah-e Hijaz
یا رب قبولیت کا شرف بخش دے اسے
توصیفِ مصطفیٰؐ میں ہے احسؔن رقم طراز
Ya Rab qubooliyat ka sharaf baksh de ise
Tauseef-e Mustafa (ﷺ) mein hai Ahsan raqam taraz
Share This Naat
Share with friends and family
حُبِ رسولؐ سے ہے اگر تجھ کو احتراز
احسن اعظمی