رب کے سُورج سے نمودار ہُوا دن میرا
آپ کے نُور سے روشن ہُوا باطن میرا
Rab ke sooraj se namoodar hua din mera
Aap ke noor se roshan hua baatin mera
آپ کی مہر ہی دُنیا میں نگہباں ہے مِری
آپ کا لُطف ہی عقبےٰ میں ہے ضامن میرا
Aap ki mehr hi duniya mein nigehbaan hai meri
Aap ka lutf hi uqba mein hai zaamin mera
جادۂ عشق و اطاعت پہ رہے میرا قدم
چشمِ رحمت کے لِئے کام ہے ممکن میرا
Jaada-e-ishq o itaat pe rahe mera qadam
Chashm-e-rehmat ke liye kaam hai mumkin mera
کب بلائیں گے مجھے اب نہ بلائیں گے اگر
عُمر کی آخری حد چھُونے لگا سن میرا
Kab bulaen ge mujhe ab na bulaen ge agar
Umr ki aakhri had choone laga san mera
ایسا مفلس ہُوں کہ ہے کاسۂ اعمال تہی
پھر بھی کیا غم کہ مدینے میں ہے خازن میرا
Aisa muflis hun ke hai kasa-e-aamaal tehi
Phir bhi kya gham ke Madine mein hai khaazin mera
نفسِ سرکش کو کُچلنا ہے مدد فرمائیں
میرے قبضے میں تو آتا نہیں یہ جن میرا
Nafs-e-sarkash ko kuchalna hai madad farmaen
Mere qabze mein to aata nahi ye jin mera
میرے اچھے بُرے اعمال کی پُونجی ہے یہی
آپ کے سامنے ہے ظاہر و باطن میرا
Mere achhe bure aamaal ki poonji hai yehi
Aap ke samne hai zaahir o baatin mera
آپ کی مدح مرے حیطۂ قدرت میں کہاں
ہونٹ ساکت ہیں مرے خامہ ہے ساکن میرا
Aap ki madah mere haitha-e-qudrat mein kahan
Hont saakat hain mere khaama hai saakin mera
وہ نظر رکھتی ہے عاصؔی مُجھے زیرِ تعلیم
اُن کی شفقت کے سوا کون ہے محسن میرا
Wo nazar rakhti hai Aasi mujhe zeere taleem
Un ki shafqat ke siwa kaun hai mohsin mera
Share This Naat
Share with friends and family
رب کے سُورج سے نمودار ہُوا دن میرا
عاصی کرنالی