کتنے شاداب و معطر ہیں سخاوت کے گلاب
یا نبی عنبر فشاں ہیں تیری رحمت کے گلاب
Kitne shaadaab o muattar hain sakhawat ke gulaab
Ya Nabi anbar fishaan hain teri rehmat ke gulaab
مصطفےٰ چاہیں تو کھل جائیں اجازت کے گلاب
گلشنِِ غربت میں بھی حجّ و زیارت کے گلاب
Mustafa chahein to khil jaayein ijaazat ke gulaab
Gulshan-e-ghurbat mein bhi hajj o ziyaarat ke gulaab
جب کھِلیں گے حشر میں شانِ نبوت کے گلاب
عاصیوں کے حق میں آئیں گے شفاعت کے گلاب
Jab khilen ge hashr mein shaan-e-nabuwat ke gulaab
Aasiyon ke haq mein aayenge shifaat ke gulaab
حسنِ سرکارِ دو عالم دیکھ کر محشر کے دن
سب کی آنکھوں میں مہک اٹھیں گے حیرت کے گلاب
Husn-e-Sarkaar-e-do Aalam dekh kar mehshar ke din
Sab ki aankhon mein mehak uthenge hairat ke gulaab
ہر گھڑی آٹھوں پہر تقسیم کرتے ہیں مہک
گنبدِ خضرا کے سائے میں شفاعت کے گلاب
Har ghari aathon pehr taqseem karte hain mehak
Gunbad-e-Khazra ke saaye mein shifaat ke gulaab
مصطفےٰ کی بارگاہِ ناز میں آٹھوں پہر
پیش کرتے ہیں ملائک اپنی خدمت کے گلاب
Mustafa ki baar-gah-e-naaz mein aathon pehr
Pesh karte hain malaaik apni khidmat ke gulaab
زائرِ طیبہ کے چہرے پر تھکن دِکھتی نہیں
ساتھ میں لے کر وہ چلتے ہیں عقیدت کے گلاب
Zaa'ir-e-Tayyibah ke chehre par thakn dikhti nahin
Saath mein le kar woh chalte hain aqeedat ke gulaab
آپ کے ہر شعر سے آنے لگی خوشبو شفیقؔ
نعت کے گلزار میں ہیں خوب مدحت کے گلاب
Aap ke har she'r se aane lagi khushboo Shafiq
Naat ke gulzaar mein hain khoob mad'hat ke gulaab
Share This Naat
Share with friends and family
کتنے شاداب و معطر ہیں سخاوت کے گلاب
شفیق ؔ رائے پوری