ایک پل کا وصال دے موہے
رنج و غم سے نکال دے موہے
Ek pal ka wisal de mohe
Ranj-o-gham se nikal de mohe
میں جسے تیری نعت میں باندھوں
وہ فروزاں خیال دے موہے
Main jise teri naat mein baandhun
Woh farozan khayal de mohe
لوحِ دل پر سجاؤں گا مولا
میم حا میم دال دے موہے
Loah-e-dil par sajaun ga maula
Meem ha meem daal de mohe
عشقِ قرنی سے ایک بوند ملے
اشتیاقِ بلال دے موہے
Ishq-e-qarni se ek boond mile
Ishtiaq-e-bilal de mohe
منفرد نعت کہہ سکوں تیری
فکر و فن با کمال دے موہے
Munfarid naat keh sakun teri
Fikr-o-fan ba kamal de mohe
ظلمتوں میں گھرا ہوا ہوں شہا!
اک نظر سے اجال دے موہے
Zulmaton mein ghira hua hun sheha!
Ek nazar se ujaal de mohe
وہ جو مقبولِ بارگاہ رہے
ایسا حسنِ مقال دے موہے
Woh jo maqbool-e-bargah rahe
Aisa husn-e-maqal de mohe
دست بستہ کھڑا ہوں چوکھٹ پر
ہوں سراپا سوال، دے موہے
Dast basta khara hun chaukhat par
Hun sarapa sawal, de mohe
کب سے اشفاقؔ انتظار میں ہے
اذنِ شہرِ جمال دے موہے
Kab se Ashfaq intizar mein hai
Izn-e-shehr-e-jamal de mohe
Share This Naat
Share with friends and family
ایک پل کا وصال دے موہے
اشفاق احمد غوری