نسبت کا یہ کمال ہے خیر البشر کے ساتھ
ذرے نظر ملاتے ہیں شمس و قمر کے ساتھ
Nisbat ka yeh kamaal hai khair al bashar ke saath
Zarre nazar milate hain shams o qamar ke saath
مفلس ہوں منتظر بھی ہوں آقائے نامدار
زادِ سفر بھی چاہیے اذنِ سفر کے ساتھ
Muflis hoon muntazir bhi hoon aaqaye naamdaar
Zaad-e safar bhi chahiye azn-e safar ke saath
طوفانِ کفر بھی نہ بجھا پائے گا اسے
نسبت ہے جس دیے کو شہِ بحر و بر کے ساتھ
Toofan-e kufr bhi na bujha paye ga ise
Nisbat hai jis diye ko shah-e bahr o bar ke saath
ہیں پوری زندگانی کے حاصل وہ آٹھ دن
گزرے ہیں جو مدینے کے دیوار و در کے ساتھ
Hain poori zindagani ke hasil wo aath din
Guzre hain jo Madine ke deewar o dar ke saath
محشر میں بھی حضور کے ہم گیت گائیں گے
دنیا میں جی رہے ہیں اسی اک ہنر کے ساتھ
Mahshar mein bhi Huzoor ke hum geet gaayenge
Duniya mein ji rahe hain isi ik hunar ke saath
منہ تاکتا ہی رہ گیا گستاخِ مصطفےٰ
جنت میں اہلِ عشق گئے کروفر کے ساتھ
Munh takta hi reh gaya gustaakh-e Mustaf'a
Jannat mein ahl-e ishq gaye karofkar ke saath
جنت میں کیوں نہ جائے گا یہ احقرالعباد
نسبت ہے جو شفیقؔ کو خیر البشر کے ساتھ
Jannat mein kyun na jaaye ga yeh ahqar al ibaad
Nisbat hai jo Shafiq ko khair al bashar ke saath
Share This Naat
Share with friends and family
نسبت کا یہ کمال ہے خیر البشر کے ساتھ
شفیق ؔ رائے پوری