اُس نظر سے تمھیں بھی ہے وابستگی
تم بھی تقلیدِ شاہِ رسُولاں کرو
Us nazar se tumhein bhi hai wabastagi
Tum bhi taqleed-e-Shah-e-Rusoolan karo
رہ گئی ہے دکھاوے کی نسبت تُمھیں
کاش اندر سے خُود کو مُسلماں کرو
Rah gayi hai dikhawe ki nisbat tumhein
Kash andar se khud ko musalman karo
دین و مذہب نمائش نہیں چاہتے
یُوں نہ اپنی عقیدت کو اَرزاں کرو
Deen o mazhab numaish nahi chahte
Yun na apni aqeedat ko arzaan karo
مسخ اپنے کو تم نے بہت کرلیا
آئنوں کو نہ اب اور حیراں کرو
Maskh apne ko tum ne bohat kar liya
Aayeno ko na ab aur hairaan karo
جو تُمھارے نبیؐ نے دِیے ہیں تُمھیں
اُن اصولوں سے آرائشِ جاں کرو
Jo tumhare Nabi ﷺ ne diye hain tumhein
Un usoolon se aaraish-e-jaan karo
راستے کا اندھیرا بھی چھٹ جائے گا
دیدہ و دِل تو اپنے فروزاں کرو
Raste ka andhera bhi chhat jaega
Deedah o dil to apne farozaan karo
پھر سجانا، دِیے تم درو بام پر
اپنے سِینوں میں پہلے چراغاں کرو
Phir sajana, diye tum daro baam par
Apne seenon mein pehle charaghan karo
بُو ہر اِک سانّس سے آئے ایمان کی
ہر مُسلماں ہو تصویر قُرآن کی
Boo har ik saans se aaye imaan ki
Har musalman ho tasweer-e-Qur'an ki
Share This Naat
Share with friends and family
اُس نظر سے تمھیں بھی ہے وابستگی
مظفر وارثی