مل گیا ان کا در اور کیا چایئے
اب دعا میں اثر اور کیا چاہئے
Mil gaya un ka dar aur kya chahiye
Ab dua mein asar aur kya chahiye
سبز گنبد کے سائے میں بیٹھا رہوں
مجھ کو پھر عمر بھر اور کیا چاہئے
Sabz gunbad ke saaye mein baitha rahun
Mujh ko phir umr bhar aur kya chahiye
اب کسی کو یہاں فکرِ منزل نہیں
آپ ہیں راہبر اور کیا چاہئے
Ab kisi ko yahan fikr-e-manzil nahi
Aap hain rahbar aur kya chahiye
نعمتیں دینے والے سے مانگوں انہیں
مجھ سے پوچھے اگر اور کیا چاہئے
Na'matein dene wale se maangon unhein
Mujh se poochhe agar aur kya chahiye
سامنے آستانے کی ہیں جالیاں
اے مری چشمِ تر اور کیا چاہئے
Samne aastane ki hain jaaliyan
Ae meri chashm-e-tar aur kya chahiye
پھر یقینا سہیل ان کا ہوگا کرم
ہے انہیں بھی خبر اور کیا چاہئے
Phir yaqeenan Suhail un ka hoga karam
Hai unhein bhi khabar aur kya chahiye
Share This Naat
Share with friends and family
مل گیا ان کا در اور کیا چایئے
سہیل غازی پوری