حج کا شَرَف ہو پھر عطا یاربِّ مصطَفٰے
میٹھا مدینہ پھر دِکھا یا ربِّ مصطَفٰے
Hajj ka sharaf ho phir ata Yaarab-e-Mustafa
Meetha Madina phir dikha Ya Rab-e-Mustafa
مل جائے اب رہائی فراقِ مدینہ سے
ہو یہ کرم، ہو یہ عطا یا ربِّ مصطَفٰے
Mil jaye ab rehai firaq-e-Madina se
Ho yeh karam, ho yeh ata Ya Rab-e-Mustafa
دیدے طوافِ خانۂ کعبہ کا پھر شَرَف
فرما یہ پورا مُدَّعا یا ربِّ مصطَفٰے
Deday tawaaf-e-Khana-e-Kaaba ka phir sharaf
Firma yeh poora mudda ya Rab-e-Mustafa
رُخ سُوئے کعبہ ہاتھ میں زم زم کا جام ہو
پی کر مَیں پھر کروں دُعا یا ربِّ مصطَفٰے
Rukh soo-e-Kaaba haath main zam zam ka jaam ho
Pee kar main phir karun duaa Ya Rab-e-Mustafa
پھر قافلہ الٰہی بنے ’’ چل مدینہ‘‘ کا
احمد رضا کا واسِطہ یاربِّ مصطَفٰے
Phir qafila ilahi bane "chal Madina" ka
Ahmed Raza ka wasita Yaarab-e-Mustafa
سب اہلِ خانہ ساتھ میں ہوں کاش!چل پڑے
سُوئے مدینہ قافِلہ یا ربِّ مصطَفٰے
Sab ahl-e-khana saath main hon kaash! chal paray
Soo-e-Madina qafila ya Rab-e-Mustafa
ہوں ساتھ میں نواسیاں اور ان کے والِدین
چلدے مدینے قافِلہ یا ربِّ مصطَفٰے
Hon saath main nawasian aur un ke waliden
Chaldain Madine qafila ya Rab-e-Mustafa
ہوں ساتھ پوتے پوتیاں اور ان کے والِدین
چلدے مدینے قافِلہ یا ربِّ مصطَفٰے
Hon saath pote potiyan aur un ke waliden
Chaldain Madine qafila ya Rab-e-Mustafa
دِیوانے مصطَفٰے کے مِرے ساتھ ساتھ ہوں
چلدے مدینے قافِلہ یا ربِّ مصطَفٰے
Dewanay Mustafa ke mere saath saath hon
Chaldain Madine qafila ya Rab-e-Mustafa
روتی رہے جو ہر گھڑی عشقِ رسول میں
وہ آنکھ دیدے یا خدا یا ربِّ مصطَفٰے
Roti rahay jo har ghari ishq-e-Rasool main
Woh aankh diday ya Khuda ya Rab-e-Mustafa
اے کاش!مجھ کو خواب میں ہو جائے ایک بار
دیدارِ شاہِ انبیا یاربِّ مصطَفٰے
Ae kaash! Mujh ko khwab main ho jaye aik baar
Deedar-e-shah-e-anbiya Yaarab-e-Mustafa
ہوں خَتْم میرے مُلک سے تخریب کاریاں
اَمْن و اَمان ہو عطا یا ربِّ مصطَفٰے
Hon khatam mere mulk se takhrib kariyan
Aman o amaan ho ata ya Rab-e-Mustafa
دنیا کے جھگڑے خَتْم ہوں اور مشکِلیں ٹلیں
صدقہ حسن حسین کا یا ربِّ مصطَفٰے
Duniya ke jhagre khatam hon aur mushkilain tallain
Sadqa Hasan Hussain ka ya Rab-e-Mustafa
گو جاں کو خطرہ ہے مِری اِمداد پر ہے تُو
پھر دشمنوں کا خوف کیا یا ربِّ مصطَفٰے
Go jaan ko khatra hai meri imdad par hai tu
Phir dushmanon ka khauf kya ya Rab-e-Mustafa
اِس طرح پھیلے نیکی کی دعوت کہ نیک ہو
ہر ایک چھوٹا اور بڑا یا ربِّ مصطَفٰے
Is tarah phailay neki ki dawat ke nek ho
Har aik chhota aur bara ya Rab-e-Mustafa
بے پردَگی کا خاتِمہ ہو عورَتوں کو دے
زیور حیاو شرم کا یاربِّ مصطَفٰے
Bay pardaagi ka khatima ho auraton ko de
Zewar haya o sharam ka Yaarab-e-Mustafa
ہر ماہ مَدنی قافلے میں سب کریں سفر
اللہ! جذبہ کر عطا یاربِّ مصطَفٰے
Har maah madni qaflay mein sab karain safar
Allah! Jazbah kar ata yaarab-e-Mustafa
احکامِ شَرْع پر مجھے دے دے عمل کا شوق
پیکر خلوص کا بنا یاربِّ مصطَفٰے
Ahkaam-e-shar` par mujhe de de amal ka shauq
Paikar khuloos ka bana yaarab-e-Mustafa
’’قفلِ مدینہ ‘‘ لب پہ ہو اور یہ شَرَف ملے
ہر دم کروں تری ثنا یا ربِّ مصطَفٰے
"Qufl-e-Madina" lab pe ho aur yeh sharaf milay
Har dam karoon teri sana ya Rab-e-Mustafa
ہو جائیں مولا مسجدیں آباد سب کی سب
سب کو نَمازی دے بنا یا ربِّ مصطَفٰے
Ho jayein maula masjidayn aabaad sab ki sab
Sab ko namazi de bana ya Rab-e-Mustafa
غیبت سے اور تُہمت و چغلی سے دُور رکھ
خُوگر تُو سچ کا دے بنا یا ربِّ مصطَفٰے
Gheebat se aur tuhmat o chughli se door rakh
Khoogar tu sach ka de bana ya Rab-e-Mustafa
عُجب و تکبُّر اور بچا حُبِّ جاہ سے
آئے نہ پاس تک رِیا یا ربِّ مصطَفٰے
Ujb o takabbur aur bacha hub-e-jaah se
Aaye na paas tak riya ya Rab-e-Mustafa
اَمراضِ عِصیاں نے مجھے کرنیم جاں دیا
مُرشِد کا صدقہ دے شِفا یاربِّ مصطَفٰے
Amraaz-e-isyian ne mujhe kar neem jaan diya
Murshid ka sadqa de shifa ya Rab-e-Mustafa
جوں ہی گناہ کرنے لگوں ، تیرے خوف سے
فوراً اُٹھوں میں تھرتھرا یا ربِّ مصطَفٰے
Joon hi gunah karne lagon, tere khauf se
Foran uthun main tharthara ya Rab-e-Mustafa
تیری خَشیّت اور ترے ڈر سے، خوف سے
ہر دم ہو دِل یہ کانپتا یا ربِّ مصطَفٰے
Teri khashiyat aur tere darr se, khauf se
Har dam ho dil yeh kampata ya Rab-e-Mustafa
دے نَزْع و قبر وحشر میں ہر جا اَمان، اور
دوزخ کی آگ سے بچایا ربِّ مصطَفٰے
De naza o qabr o hashr mein har ja amaan, aur
Dozakh ki aag se bachaya Rab-e-Mustafa
آنکھوں میں جلوہ شاہ کا اور لب پہ نعت ہو
جب روح تن سے ہو جدا یاربِّ مصطَفٰے
Aankhon main jalwa shah ka aur lab pe naat ho
Jab rooh tan se ho juda yaarab-e-Mustafa
اے کاش! زیرِ گنبدِ خضرا پئے ضیا
ایمان پر ہو خاتِمہ یاربِّ مصطَفٰے
Ae kaash! Zair-e-gumbad-e-khazra paye ziya
Imaan par ho khatima yaarab-e-Mustafa
مجھ کو بقیعِ پاک میں مدفن نصیب ہو
غوثُ الوریٰ کا واسِطہ یاربِّ مصطَفٰے
Mujh ko baqi'-e-pak mein madfan naseeb ho
Ghous-ul-wara ka wasita yaarab-e-Mustafa
جس دم وہ آئیں قبر میں ، میری زَبان پر
بس مرحبا کی ہو صدا یاربِّ مصطَفٰے
Jis dam woh aayein qabr mein, meri zabaan par
Bas marhaba ki ho sada yaarab-e-Mustafa
مَحْشر میں پُلْ صراط پہ میرے قدم کہیں
جائیں پھسل نہ یا خدا یا ربِّ مصطَفٰے
Mahshar mein pul siraat pe mere kadam kahin
Jayein phisal na ya Khuda ya Rab-e-Mustafa
فردوس میں پڑوس دے اپنے حبیب کا
مولیٰ علی کا واسِطہ یاربِّ مصطَفٰے
Firdous mein pados day apne habib ka
Maula Ali ka wasita yaarab-e-Mustafa
تو بے حساب بخش دے عطاّرِؔ زار کو
تجھ کو نبی کا واسِطہ یاربِّ مصطَفٰے
Tu bay hisaab bakhsh de Attar Zaar ko
Tujh ko Nabi ka wasita yaarab-e-Mustafa
Share This Naat
Share with friends and family
حج کا شَرَف ہو پھر عطا یاربِّ مصطَفٰے
الیاس عطار قادری