جسے عشقِ محمد میں تڑپتا دل نہیں ملتا
اُسے ایمان ملتا ہے مگر کامل نہیں ملتا
Jise ishq-e-Muhammad mein tadapta dil nahi milta
Use imaan milta hai magar kaamil nahi milta
میں عصیاں کے سمندر میں ہوں موجوں کے تھپیڑوں پر
کرم کی اِک نظر کر دیں ، مُجھے ساحل نہیں ملتا
Main isiyan ke samundar mein hun maujon ke thaperoon par
Karam ki ik nazar kar dein, mujhe saahil nahi milta
جسے ہے علم کا دعوٰی ، ادب سے ہے مگر عاری
تو اُس جیسا زمانے میں کوئی جاہل نہیں ملتا
Jise hai ilm ka dawa, adab se hai magar aari
To us jaisa zamane mein koi jaahil nahi milta
درِ اقدس سے کٹ کر بھی کرے جو خواہشِ جنّت
بڑے احمق تو ملتے ہیں مگر عاقل نہیں ملتا
Dar-e-aqdas se kat kar bhi kare jo khwahish-e-jannat
Bade ahmaq to milte hain magar aqil nahi milta
تری مدح و ثنا کے واسطے اِک حرف بھی آقاْ !
بہت ڈھونڈا ترے شایاں ترے قابل نہیں ملتا
Teri madah o sana ke wastay ik harf bhi aaqa!
Bahut dhoonda tere shaayaan tere qaabil nahi milta
رُخِ انور کی ضَو باری سے روشن کُل زمانہ ہے
مُقابل اِس کے دیکھیں تو مہِ کامل نہیں ملتا
Rukh-e-anwar ki zau baari se roshan kul zamana hai
Muqabil is ke dekhein to mah-e-kaamil nahi milta
مرے آقا سا عادل تو زمانے میں کہاں مُمکن
کہ اُن کے تو عُمر جیسا کوئی عادل نہیں ملتا
Mere aaqa sa aadil to zamane mein kahan mumkin
Ke un ke to Umar jaisa koi aadil nahi milta
گیا ہو آپ ! کے در پر ، پھرا ہو پھر کوئی خالی
جہاں بھر میں کہیں ایسا کوئی سائل نہیں ملتا
Gaya ho aap! ke dar par, phira ho phir koi khaali
Jahan bhar mein kahin aisa koi saail nahi milta
پِھرے دستِ کرم اُن کا، رہے زخمِ جگر باقی
زمانے میں کہیں ایسا کوئی گھائل نہیں ملتا
Phire dast-e-karam un ka, rahe zakhm-e-jigar baaqi
Zamane mein kahin aisa koi ghaail nahi milta
عمل کرتا ہو سیرت پر ، رہے محروم رحمت سے
جلیل ایسا کہیں پر بھی کوئی عامل نہیں ملتا
Amal karta ho seerat par, rahe mehroom rehmat se
Jaleel aisa kahin par bhi koi aamil nahi milta
Share This Naat
Share with friends and family
جسے عشقِ محمد میں تڑپتا دل نہیں ملتا
حافظ عبدالجلیل