لو وُہ آیا اذن لو آقا نے بلوایا مُجھے
لو چلا مَیں اب دکھائے روک کر دُنیا مُجھے
Lo woh aaya izn lo Aaqa ne bulwaya mujhe
Lo chala main ab dikhaye rok kar dunya mujhe
اُن کا پیغامِ طلب؟ ہاں اُن کا پیغامِ طلب
اللہ اللہ اُن کا پیغامِ طلب پہنچا مُجھے
Un ka paigham-e-talab? Haan un ka paigham-e-talab
Allah Allah un ka paigham-e-talab pohncha mujhe
میں کہ گورستان غم میں لاشۂ مرحُوم تھا
اِک پیامِ جاں فزا نے کر دیا زندہ مُجھے
Main ke goristan gham mein lasha-e-marhoom tha
Ek payam-e-jaan fizaa ne kar diya zinda mujhe
کیُوں نہ عاصیؔ آج مَیں خود کو مُبارک باد دوں
رحمتہ اللعالمیںؐ نے یاد فرمایا مُجھے
Kyun na Aasi aaj main khud ko mubarak baad doon
Rahmat-ul-lil-alameen ne yaad farmaya mujhe
ہجر نے باچشمِ نم مُجھ کو خُدا حافظ کہا
وصل نے چشمِ غرور و ناز سے دیکھا مُجھے
Hijr ne ba chashm-e-nam mujh ko Khuda Hafiz kaha
Wasl ne chashm-e-ghuroor o naaz se dekha mujhe
دشت کے کانٹے حریر و پرنیاں سے نرم تر
مخلمیں قالین تھا پھیلا ہُوا صحرا مُجھے
Dasht ke kaante hareer o parniya se narm tar
Makhlam ke qaleen tha phela huwa sahra mujhe
ارضِ یثرب نے کہا اھلاً و سہلاً مرحبا
دل سے میری قدر کی، سینے سے لپٹایا مُجھے
Arz-e-Yasrab ne kaha Ahlan wa sahlan marhaba
Dil se meri qadr ki, seene se lipataya mujhe
شرم سے چہرہ مِرا گُل رنگ ہو کر رہ گیا
شہرِ طیبہ کی ہَوا نے اس قدر چُوما مُجھے
Sharm se chehra mera gul rang ho kar reh gaya
Shehr-e-Tayyiba ki hawa ne is qadar chuma mujhe
مَیں خس و خاشاک مشتِ خاک مُجھ پر یہ کرم
یُوں پذیرائی مری، یہ کب تھا اندازہ مُجھے
Main khas o khashak musht-e-khaak mujh par yeh karam
Yun pazeerayi meri, yeh kab tha andaza mujhe
دیدہء حیرت زدہ سے دیکھتے تھے بار بار
گنبدِ خضرا کو مَیں اور گُنبدِ خضرا مُجھے
Deed-e-hairat zada se dekhte the baar baar
Gunbad-e-Khazra ko main aur Gunbad-e-Khazra mujhe
میں کہاں ہُوں یہ خیال اعصاب پر طاری رہا
خُود مِری دیوانگی نے ہوش میں رکّھا مُجھے
Main kahan hoon yeh khayal asab par taari raha
Khud meri deewangi ne hosh mein rakha mujhe
عُمر بھر کی تشنہ کامی کی تلافی ہوگئی
اک نگاہِ ملتفت نے اس طرح دیکھا مُجھے
Umar bhar ki tashna kaami ki talafi hogayi
Ek nigah-e-multiffet ne is tarah dekha mujhe
جان و تن کی ہر کثافت نُور میں چھانی گئی
ظاہر و باطن مرے آلودہ تھے، دھویا مُجھے
Jaan o tan ki har kasafat noor mein chhani gayi
Zahir o baatin mere alooda the, dhoya mujhe
مَیں زرِ ناقص تھا، مَیں سارے کا سارا کھوٹ تھا
دیکھتے ہی دیکھتے کندن بنا ڈالا مُجھے
Main zar-e-naaqis tha, main saare ka saara khot tha
Dekhte hi dekhte kundan bana dala mujhe
کیا سخی ہے، جِس نے بن مانگے عطا فرمادیے
نطقِ گویا، قلبِ دانا، دیدۂ بینا مُجھے
Kya sakhi hai, jis ne ban maange ata farma diye
Nutq-e-goya, qalb-e-daana, deed-e-beena mujhe
کیا کہوں، کیا کیا کہوں، کیسے کہوں، کِس سے کہوں
اُس نے کیا بخشا مُجھے اور کِس قدر بخشا مُجھے
Kya kahoon, kya kya kahoon, kaise kahoon, kis se kahoon
Us ne kya bakhsha mujhe aur kis qadar bakhsha mujhe
Share This Naat
Share with friends and family
لو وُہ آیا اذن لو آقا نے بلوایا مُجھے
عاصی کرنالی