جس کو شرف مآب کرے وصفِ پائے خاص
اس عام شخص کو بھی جہاں کیوں نہ پائے خاص
Jis ko sharaf ma'ab kare wasf-e-paaye khaas
Is aam shakhs ko bhi jahan kyu na paaye khaas
سنگِ درِ نبی پہ جو ہیں جبہہ سائے خاص
ان پر ہیں دو جہان میں رحمت کے سائے خاص
Sang-e-dar-e-nabi pe jo hain jabha saaye khaas
Un par hain do jahan mein rehmat ke saaye khaas
اترا تنِ اثیم سے خود جامۂِ خطا
آئے شفیع پہنے ہوئے جب قبائے خاص
Utra tan-e-aseem se khud jame'a-e-khata
Aaye shafi pehne hue jab qabaaye khaas
جنت میں اہل نعت کا اکرام ہے جدا
ہوتا ہے اہتمام خصوصی برائے خاص
Jannat mein ahl-e-naat ka ikram hai juda
Hota hai ehtemaam khusoosi baraye khaas
محشر کی بھیڑ میں نہ رکھیں کیوں الگ شناخت
اوڑھے ہوئے ہیں ان کے ثَنائی ردائے خاص
Mahsher ki bheer mein na rakhen kyu alg shanakht
Orhe hue hain un ke sanaaii radaaye khaas
شانِ عروج حیطۂِ ادراک سے ورا
خارج حدودِ حرف سے ہے وہ لقائے خاص
Shan-e-urooj haita-e-idraak se wara
Kharij hudood-e-harf se hai wo liqaaye khaas
محبوب رکھیے ویسے تو ہر نسبتِ حضور
لیکن نبی کی آل سے رکھیے ولائے خاص
Mahboob rakhye waise to har nisbat-e-huzoor
Lekin nabi ki aal se rakhye walaaye khaas
ہر فرد کے یہ بس کی نہیں بات ،کیونکہ ہے
توفیقِ نعتِ سرورِ عالم عطائے خاص
Har fard ke ye bas ki nahi baat, kyunke hai
Tawfeeq-e-naat-e-sarwar-e-alam ataaaye khaas
وہ شے ثنائے شاہِ اخصُّ الخواص ہے
جو عام کمتریں کو معظمؔ بنائے خاص
Wo shai sanaaye shaah-e-akhassulkhwaas hai
Jo aam kamtareen ko muazzam banaye khaas
Share This Naat
Share with friends and family
جس کو شرف مآب کرے وصفِ پائے خاص
معظم سدا معظم مدنی