naat
ساری دنیا کیوں ہوئی شیطاں کی بہکائی ہوئی
ساری دنیا کیوں ہوئی شیطاں کی بہکائی ہوئی
مادّے کے پھیر میں روحانیت آئی ہوئی
Saari duniya kyun hui shaitaan ki behkaai hui
Maad-de ke phair mein roohaniyat aai hui
منجمد ہر ایک دل ہر آنکھ پتھرائی ہوئی
ہر نفس گمراہ ہے ہر عقل بہکائی ہوئی
Munjamad har aik dil har aankh patharaai hui
Har nafas gumrah hai har aql behkaai hui
پتھروں کے شہر میں نکلے ہیں اینٹوں کے جلوس
آدمیت کانچ کے گھر میں ہے گھبرائی ہوئی
Patharon ke shehar mein nikle hain eenton ke juloos
Aadamiyat kaanch ke ghar mein hai ghabraai hui
کب دھماکے ہوں چھناکے ہوں کسی کو کیا خبر
دل کی دھڑکن خوف و دہشت سے ہے تھرّائی ہوئی
Kab dhamaake hon chhanaake hon kisi ko kya khabar
Dil ki dhadkan khauf o dehshat se hai tharraai hui
پھر مشیّت نے لکھی تحریر ان کے نام پر
جن کے صدقے میں رسالت کی پذیرائی ہوئی
Phir mashiyat ne likhi tehreer unke naam par
Jin ke sadqe mein risaalat ki pazeerai hui
فتح مکہ ہوگیا اوندھے گرے سب دیوتا
آج ہر سو ہر طرف توحید ہے چھائی ہوئی
Fateh Makkah ho gaya oondhe gire sab daiwata
Aaj har su har taraf tauheed hai chhaai hui
پھر ہوا دورہ اماں کا اور معافی کی عطا
حکمرانوں کی انا ہے آج شرمائی ہوئی
Phir hua daur-e amaan ka aur maafi ki ata
Hukmaranon ki ana hai aaj sharmaai hui
جو محمد کا ہوا اللہ اس کا ہو گیا
جو پھرا الٹے قدم پھر اس کی رسوائی ہوئی
Jo Muhammad ka hua Allah uska ho gaya
Jo phira ulte qadam phir uski ruswaai hui
َلو لگائی جس نے طیبہ سے وہی فاتح رہا
اک نگاہِ مصطفی ٹالے بلا آئی ہوئی
Lo lagaai jis ne Taiba se wahi faateh raha
Ek nigaah-e Mustafa taale balaa aai hui
نظمی تم نے نعت کو پہنایا اسلوبِ جدید
نعت گوئی بھی کھڑی ہے آج اترائی ہوئی
Nazmi tum ne naat ko pehnaaya usloob-e jadeed
Naat goi bhi khadi hai aaj utraai hui
Share This Naat
Share with friends and family
ساری دنیا کیوں ہوئی شیطاں کی بہکائی ہوئی
سید آل رسول حسنین میاں برکاتی نظمی