ماہ سیما ہے اَحْمدِ نوری

ماہ سیما ہے اَحْمدِ نوری مہر جلوہ ہے اَحْمدِ نوری

Maah seema hai Ahmed-e-Noori Mehr jalwah hai Ahmed-e-Noori

نور والا ہے اَحْمدِ نوری نور والا ہے اَحْمدِ نوری

Noor wala hai Ahmed-e-Noori Noor wala hai Ahmed-e-Noori

نہ کھلا کیا ہے اَحْمدِ نوری راز بستہ ہے اَحْمدِ نوری

Na khula kya hai Ahmed-e-Noori Raaz basta hai Ahmed-e-Noori

دُور پہنچا ہے اَحْمدِ نوری بہت اُونچا ہے اَحْمدِ نوری

Door pohancha hai Ahmed-e-Noori Bohat ooncha hai Ahmed-e-Noori

نور سینہ ہے اَحْمدِ نوری طور سینہ ہے اَحْمدِ نوری

Noor seena hai Ahmed-e-Noori Toor seena hai Ahmed-e-Noori

وَصف اَجْلٰی ہے اَحْمدِ نوری کشفِ اَخفی ہے اَحْمدِ نوری

Wasf ajla hai Ahmed-e-Noori Kashf-e-akhfiya hai Ahmed-e-Noori

عہدِ اَوفی ہے اَحْمدِ نوری شہدِ اَصفی ہے اَحْمدِ نوری

Ahd-e-awfa hai Ahmed-e-Noori Shehd-e-asfiya hai Ahmed-e-Noori

جلب تقویٰ ہے اَحْمدِ نوری سلب طغویٰ ہے اَحْمدِ نوری

Jalb taqwa hai Ahmed-e-Noori Salb tughyan hai Ahmed-e-Noori

نجم سے ماہ مَہ سے مِہر ہوا گھڑیوں بڑھتا ہے اَحْمدِ نوری

Najm se maah meh se mehr hua Gharyon badhta hai Ahmed-e-Noori

مہر سے ماہ مَہ سے نجم ہوا ابھی نیچا ہے اَحْمدِ نوری

Mehr se maah meh se najm hua Abhi neecha hai Ahmed-e-Noori

اُس کے مُدرَک ہیں فوقِ طبیعات علم اَعلیٰ ہے اَحْمدِ نوری

Us ke mudrak hain foq-e-tabi’at Ilm a’ala hai Ahmed-e-Noori

برکاتی جہاں جمی ہو برات اس میں دولہا ہے اَحْمدِ نوری

Barkati jahan jamee ho barat Us mein dulha hai Ahmed-e-Noori

شمس دیں کی شعاؤں کا تیرے سر پہ سہرا ہے اَحْمدِ نوری

Shams-e-deen ki shua’on ka tere Sar pe sehrha hai Ahmed-e-Noori

تار اَنظار مرحمت سے بُنا تیرا جامَہ ہے اَحْمدِ نوری

Taar anzaar marhammat se buna Tera jamaa hai Ahmed-e-Noori

رُشد و اِرشاد کا ترے سر پر آج طرہ ہے اَحْمدِ نوری

Rushd-o-irshaad ka tere sar par Aaj turra hai Ahmed-e-Noori

قادِریت ہے چشتیت سے بہم نگ دوپلکا ہے اَحْمدِ نوری

Qadriyat hai chishtiat se begham Nigahe dopalka hai Ahmed-e-Noori

رَفع قومہ میں وَضع سجدے میں لَا و اِلَّا ہے اَحْمدِ نوری

Raf’a qaumah mein waza sajde mein La ilah hai Ahmed-e-Noori

ذِکر ایسا کہ کلمہ کی اُونگلی خود سراپا ہے اَحْمدِ نوری

Zikr aisa ke kalma ki oongli Khud sarapa hai Ahmed-e-Noori

قومہ سیدھا رکوع دوہرا ہے اَلِف و اِلَّا ہے اَحْمدِ نوری

Qaumah seedha ruku dohra hai Alif o laa hai Ahmed-e-Noori

محض اِثبات کا مقامِ بلند یوں دکھاتا ہے اَحْمدِ نوری

Mehz isbat ka maqam-e-buland Yun dikhata hai Ahmed-e-Noori

میرا مرشد ہے مصحف ناطِق نوری آیہ ہے اَحْمدِ نوری

Mera murshid hai mushaf natiq Noori aya hai Ahmed-e-Noori

مہبط فضل شیخ تا برکات پنجسورہ ہے اَحْمدِ نوری

Mahbat fazl sheikh ta barkat Panjsurah hai Ahmed-e-Noori

حرمین اس کے پیرو اعلی پیر بیت اَقصیٰ ہے اَحْمدِ نوری

Haramein us ke piro a’ala peer Bait-e-aqsa hai Ahmed-e-Noori

اِسم اَسمٰی ترا تَعَا َلی ا للّٰہ بامُسَمّٰی ہے اَحْمدِ نوری

Ism asma tera ta’ala Allah Ba musamma hai Ahmed-e-Noori

آسماں سے اُترتے ہیں اَسماء نام کیسا ہے اَحْمدِ نوری

Aasman se utarte hain asmaa Naam kaisa hai Ahmed-e-Noori

نام بھی نور حسن تام بھی نور نور دُونا ہے اَحْمدِ نوری

Naam bhi noor husn taam bhi noor Noor duna hai Ahmed-e-Noori

نورِ سرکارِ ذات دُونا ہے دن سوایا ہے اَحْمدِ نوری

Noor-e-sarkaar-e-zaat duna hai Din sawaya hai Ahmed-e-Noori

کیجئے عکس مثل کہ ناشئہ کا نورِ انشِا ہے اَحْمدِ نوری

Kijiye aks misl ke naasha’a ka Noor-e-insha hai Ahmed-e-Noori

قرب اس اعلیٰ سے ہے تجھے جس کا قَصْرِ اَوْ اَ دْنٰی ہے اَحْمدِ نوری

Qurb is a’ala se hai tujhe jis ka Qasr-e-aw-adna hai Ahmed-e-Noori

لا ؤ لد رہتے ہیں تمام اَبدال فرد و تنہا ہے اَحْمدِ نوری

La walad rehte hain tamaam abdaal Fard o tanha hai Ahmed-e-Noori

پسر و نَبَسَۂ و نبیرۂ نور نور آیا ہے اَحْمدِ نوری

Pisar o nabisa o nawira noor Noor aaya hai Ahmed-e-Noori

اس کی سی ماں جہان میں کس کی ابن زَہرا ہے اَحْمدِ نوری

Is ki si maan jahan mein kis ki Ibn-e-Zahra hai Ahmed-e-Noori

شکل دیکھو تو نور کی تصویر نوری پتلا ہے اَحْمدِ نوری

Shakal dekho to noor ki tasveer Noori patla hai Ahmed-e-Noori

نام پوچھو تو نور کی تنویر! نور معنٰی ہے اَحْمدِ نوری

Naam poocho to noor ki tanveer! Noor ma’na hai Ahmed-e-Noori

اَنجمن ہو رہی مشرقِ نور جلوہ فرما ہے اَحْمدِ نوری

Anjuman ho rahi mashriq-e-noor Jalwa farma hai Ahmed-e-Noori

بام و دَر کی ضیا سے روشن ہے نور بالا ہے اَحْمدِ نوری

Baam o dar ki ziya se roshan hai Noor bala hai Ahmed-e-Noori

طالبانِ حریمِ حق کے لیے راست قبلہ ہے اَحْمدِ نوری

Taliban-e-hareem-e-Haq ke liye Raast qibla hai Ahmed-e-Noori

ڈَور گنڈے پہ چار عنصر کے تیرا گنڈا ہے اَحْمدِ نوری

Dor gundhe pe chaar ansar ke Tera gunda hai Ahmed-e-Noori

بند تعویذ سے کشائش نے قول باندھا ہے اَحْمدِ نوری

Band taweez se kshaiyat ne Qaul bandha hai Ahmed-e-Noori

نقشے جمتے ہیں تیری ہمت سے نقش پروَہ ہے اَحْمدِ نوری

Naqsh jamte hain teri himat se Naqsh parwa hai Ahmed-e-Noori

اچھے پیارے کے دل کا ٹکڑا ہے اچھا اچھا ہے اَحْمدِ نوری

Achhe pyaare ke dil ka tukda hai Achha achha hai Ahmed-e-Noori

بھولی صورت ہے نور کی مورت پیارا پیارا ہے اَحْمدِ نوری

Bhooli soorat hai noor ki moorat Pyaara pyaara hai Ahmed-e-Noori

گلِ بغداد کی مہک میں بسا بھینا بھینا ہے اَحْمدِ نوری

Gul-e-Baghdad ki mahak mein basa Bheena bheena hai Ahmed-e-Noori

ابر برکات کی ٹپک میں دُھلا اُوجلا اُوجلا ہے اَحْمدِ نوری

Abr-e-barkat ki tipak mein dhula Ujla ujla hai Ahmed-e-Noori

ہے مصفی عسل لبوں سے رَواں میٹھا میٹھا ہے اَحْمدِ نوری

Hai musafi asal labon se rawan Meetha meetha hai Ahmed-e-Noori

وہ عوارِفؔ کا نور بار سراج جگ اُوجالا ہے اَحْمدِ نوری

Woh Awarif ka noor bar siraaj Jag ujala hai Ahmed-e-Noori

اس کے اِرشاد ہیں دلیل یقین شک مٹاتا ہے اَحْمدِ نوری

Us ke irshaad hain daleel yaqeen Shak mitata hai Ahmed-e-Noori

اس کے لب ہیں کلید کشف قلوب فتح دَولہا ہے اَحْمدِ نوری

Us ke lab hain kalid kashf qulub Fatah dulha hai Ahmed-e-Noori

گہر بے بہائے نورؔ و بہاؔ تیرا شجرہ ہے اَحْمدِ نوری

Gohar be bahaye Noor o baha Tera shajra hai Ahmed-e-Noori

سید الانبیا رسول ا للّٰہ تیرا بابا ہے اَحْمدِ نوری

Syed al-anbiya Rasul Allah Tera baba hai Ahmed-e-Noori

مرجع الاولیاء علی وَلی تیرا دادا ہے اَحْمدِ نوری

Marja al-Awliya Ali wali Tera dada hai Ahmed-e-Noori

وہ حسینی رَچی ہوئی رنگت گل سے زَیبا ہے اَحْمدِ نوری

Woh Husaini rachi hui rangat Gul se zyba hai Ahmed-e-Noori

زِینت زَین عابدیں سے ترا حسن نکھرا ہے اَحْمدِ نوری

Zeenat Zain al-Abideen se tera Husn nakhra hai Ahmed-e-Noori

عم اَعظم ہیں حضرتِ باقر تو بھتیجا ہے اَحْمدِ نوری

Ama Azam hain Hazrat-e-Baqir Tu bhateeja hai Ahmed-e-Noori

صادِقؔ رَفض سوز کا پرتو! تجھ پہ سچا ہے اَحْمدِ نوری

Sadiq radh sows ka partow! Tujh pe saccha hai Ahmed-e-Noori

شانِ کاظمؔ دِکھا کہ َمعْدنِ علم تیرا مَنْشا ہے اَحْمدِ نوری

Shaan-e-Kazim dikha ke ma'dan-e-ilm Tera mansa hai Ahmed-e-Noori

اے رضاؔ کے رضی رضا کے رضاؔ تجھ سے جویا ہے اَحْمدِ نوری

Ae Raza ke Razi Raza ke Raza Tujh se joya hai Ahmed-e-Noori

فیض معروفؔ سے ترا معروف شہر شہرہ ہے اَحْمدِ نوری

Faiz Maroof se tera ma’roof Shehr shehra hai Ahmed-e-Noori

سِر میں ساری ہے سرّ پاک ترے سِر پہ سارا ہے اَحْمدِ نوری

Sir mein saari hai sirr-e-paak tere Sir pe saara hai Ahmed-e-Noori

سَیِّدُؔ الطَّائفہ کا طائف ہے ہم کو کعبہ ہے اَحْمدِ نوری

Syed ut-Taifa ka ta’if hai Hum ko Kaaba hai Ahmed-e-Noori

شبل شبلی قوم شرزا پر شیر شرزہ ہے اَحْمدِ نوری

Shibl Shibli qaum Sheeraza par Sher Sherza hai Ahmed-e-Noori

عبد واحد کے بحر وحدت سے دُرِّ یکتا ہے اَحْمدِ نوری

Abdul Wahid ke behr-e-wahdat se Dur-e-yakta hai Ahmed-e-Noori

بوالفرحؔ کے لئے فرح دیدے غم نے گھیرا ہے اَحْمدِ نوری

Bual-farah ke liye farah de de Gham ne ghera hai Ahmed-e-Noori

حسنؔ بوالحسن پہ تیرا حسن کیا نرالا ہے اَحْمدِ نوری

Hasan Bu al-Hasan pe tera husn Kya nirala hai Ahmed-e-Noori

بوسعیدؔی سعید کتنا سعد تیرا تارا ہے اَحْمدِ نوری

Busayeedi Saeed kitna sa'ad Tera tara hai Ahmed-e-Noori

غوثِؔ کونین کی غلامی سے جگت آقا ہے اَحْمدِ نوری

Ghaus-e-Kownain ki ghulami se Jagat aaqa hai Ahmed-e-Noori

عبدؔ رَزَّاق ہیں وَسیلۂ رِزْق تو سہارا ہے اَحْمدِ نوری

Abdul Razzak hain waseela-e-rizq Tu sahara hai Ahmed-e-Noori

نصر و بونصرؔ اس کے نصر نصیر ناصر اپنا ہے اَحْمدِ نوری

Nasr o Bunasir us ke nasr naseer Nasir apna hai Ahmed-e-Noori

تازی کوپل علیؔ کی ڈالی میں تیرا بالا ہے اَحْمدِ نوری

Taazi kopla Ali ki dali mein Tera bala hai Ahmed-e-Noori

شاہِؔ موسیٰ کے گورے ہاتھوں کا ید بیضا ہے اَحْمدِ نوری

Shah-e-Musa ke gore haathon ka Yad-e-Baiza hai Ahmed-e-Noori

حسنیؔ اَحْمدِی حسینؔ و حمید خوش ستودہ ہے اَحْمدِ نوری

Hasni Ahmadi Hussain o Hamid Khush satoda hai Ahmed-e-Noori

دیکھ لو جلوۂ بہائُؔ الدین آئینہ سا ہے اَحْمدِ نوری

Dekho jalwah-e-Bahauddin Aaeena sa hai Ahmed-e-Noori

گل خندانِ باغِ ابراہیمؔ تیرا چہرہ ہے اَحْمدِ نوری

Gul Khandan-e-Bagh-e-Ibrahim Tera chehra hai Ahmed-e-Noori

خود بھکاریؔ کے دَر کا سائل ہے ہم کو داتا ہے اَحْمدِ نوری

Khud bhikari ke dar ka sail hai Hum ko data hai Ahmed-e-Noori

نورِ قاضی ضیا ءکے پرتو سے نورِ اَضوا ہے اَحْمدِ نوری

Noor-e-Qazi ziya ke partaw se Noor-e-Azwa hai Ahmed-e-Noori

اے جمالِ جمیل شانِ جمالؔ تجھ میں جملہ ہے اَحْمدِ نوری

Ae jamal-e-Jameel shan-e-Jamal Tujh mein jumla hai Ahmed-e-Noori

حمد کے دونوں پاک ناموں کا فیض و لمعہ ہے اَحْمدِ نوری

Hamd ke donon paak naamon ka Faiz o lam’a hai Ahmed-e-Noori

شانِ اَنوارِ فضل فضلؔ ا للّٰہ تجھ سے پیدا ہے اَحْمدِ نوری

Shan-e-Anwaar-e-Fazl Fazl-Allah Tujh se paida hai Ahmed-e-Noori

برکاتی چمن کا بوٹا ہے برکت زا ہے اَحْمدِ نوری

Barkati chaman ka boota hai Barkat za hai Ahmed-e-Noori

باغِ آلِ محمدی ہے نہال ستھرا پودا ہے اَحْمدِ نوری

Bagh-e-Aal-e-Mohammadi hai nahi Suthra poda hai Ahmed-e-Noori

رہے حمزہؔ کا میکدہ جس کی مَدھ کا ماتا ہے اَحْمدِ نوری

Rahe Hamza ka maikada jis ki Madh ka maata hai Ahmed-e-Noori

آلِ اَحْمد ہیں مصطفی کے چاند ماہِ پیارا ہے اَحْمدِ نوری

Aal-e-Ahmed hain Mustafa ke chand Maah-e-pyaara hai Ahmed-e-Noori

خسرو اَولیا ہیں آلِ رسول شاہزادہ ہے اَحْمدِ نوری

Khuso Awliya hain Aal-e-Rasul Shahzada hai Ahmed-e-Noori

میرے آقا کا لاڈلا بیٹا نازوں پالا ہے اَحْمدِ نوری

Mere aaqa ka ladla beta Nazon pala hai Ahmed-e-Noori

شب بدعت سے کہئے ہو کافور نور اَفزا ہے اَحْمدِ نوری

Shab bid’at se kaho kafur Noor afza hai Ahmed-e-Noori

رفض و تفضیل و ندوہ کا قاتل سنت آرا ہے اَحْمدِ نوری

Radh o Tafdeel o Nadwah ka qatil Sunnat Ara hai Ahmed-e-Noori

سیدھا سادھا ہے لیکن اُلٹوں سے بانکا ترچھا ہے اَحْمدِ نوری

Seedha saadha hai lekin ulto se Banka tircha hai Ahmed-e-Noori

دیکھے بھالے ہیں شہر دَہر کے شیخ سب سے اَولیٰ ہے اَحْمدِ نوری

Dekhe bhaley hain Shahr Dahr ke Sheikh Sab se Awla hai Ahmed-e-Noori

خلفائے ثَلٰثَہ کا ہے غلام جب تو مولیٰ ہے اَحْمدِ نوری

Khalifan-e-Tha’lah ka hai ghulam Jab to Maula hai Ahmed-e-Noori

ذائقہ ان کا تا زَباں ہی نہیں دل سے شیدا ہے اَحْمدِ نوری

Zaika un ka ta zubaan hi nahi Dil se sheda hai Ahmed-e-Noori

بے تقیہ بنا کریں عیار مرگِ شیعہ ہے اَحْمدِ نوری

Be taqiqa bana karen ayar Marg-e-Shia hai Ahmed-e-Noori

بے محاسن ہیں پیر چوٹی کے مرد حق کا ہے اَحْمدِ نوری

Be mahasin hain peer choti ke Mard-e-Haq ka hai Ahmed-e-Noori

یاں نہیں کفر پہ چمر توحید خاص بندہ ہے اَحْمدِ نوری

Yaan nahi kufr pe chamr tauheed Khaas banda hai Ahmed-e-Noori

کھو کے سدھ بدھ بنے سنیچر پیر حق کا جمعہ ہے اَحْمدِ نوری

Kho ke sadh budh bane sanichar peer Haq ka jum’ah hai Ahmed-e-Noori

بدمَذاقوں کو تیرا شہد ہے تلخ ان کو صفرا ہے اَحْمدِ نوری

Badmazaakon ko tera shehd hai talkh Un ko safra hai Ahmed-e-Noori

جلتے ہیں تیرے گرم چرچے سے اُن کو سودا ہے اَحْمدِ نوری

Jalte hain tere garam charcho se Un ko sauda hai Ahmed-e-Noori

اے علم تعزیوں کے مجرے سے دُور تجھ کو مجرا ہے اَحْمدِ نوری

Ae Ilm ta’aziyoon ke majray se door Tujh ko majra hai Ahmed-e-Noori

شبِ باطل کا اب سویرا ہے حق کا تڑکا ہے اَحْمدِ نوری

Shab-e-batil ka ab sawera hai Haq ka tardka hai Ahmed-e-Noori

ظلمتِ غم تو اور مجھ کو دیا ہے میرا ماوا ہے اَحْمدِ نوری

Zulmat-e-gham to aur mujh ko diya hai Mera mawa hai Ahmed-e-Noori

تیری رحمت پہ تیری نعمت پر میرا دعویٰ ہے اَحْمدِ نوری

Teri rehmat pe teri niamat par Mera dawa hai Ahmed-e-Noori

جس کا میں خانہ زاد اُس کا تو پیارا بیٹا ہے اَحْمدِ نوری

Jis ka main Khaana Zaad us ka to Pyaara beta hai Ahmed-e-Noori

میرے آقا کا تجھ پہ اور تیرا مجھ پہ سایہ ہے اَحْمدِ نوری

Mere aaqa ka tujh pe aur tera Mujh pe saya hai Ahmed-e-Noori

تیرہ بختی نے کر دیا اَندھیر دیر اب کیا ہے اَحْمدِ نوری

Tera bakhti ne kar diya andher Der ab kya hai Ahmed-e-Noori

نورِ اَحْمدِ مجھے بھی چمکا دے نام تیرا ہے اَحْمدِ نوری

Noor-e-Ahmed mujhe bhi chamka de Naam tera hai Ahmed-e-Noori

لاکھ اپنا بنائیں غیر اُوسے پھر ہمارا ہے اَحْمدِ نوری

Laakh apna banayein ghair use Phir hamara hai Ahmed-e-Noori

دودھ کا دودھ پانی کا پانی کرنے والا ہے اَحْمدِ نوری

Doodh ka doodh paani ka paani Karne wala hai Ahmed-e-Noori

وِرَد کھو دے کہ خواہشوں نے بہت دل دُکھایا ہے اَحْمدِ نوری

Wird khode ke khwahishon ne bohot Dil dukhaya hai Ahmed-e-Noori

تو ہنسا دے کہ نفس بد نے ستم خوں رولایا ہے اَحْمدِ نوری

Tu hansa de ke nafs bad ne sitam Khoon roolaya hai Ahmed-e-Noori

خاک ہم نے اُڑائی یوہیں سہی تو تو دریا ہے اَحْمدِ نوری

Khak hum ne urraai yo hi sahi Tu to darya hai Ahmed-e-Noori

خاندانی کرم قدیمی جود تیرا حصہ ہے اَحْمدِ نوری

Khandani karam qadimi jood Tera hissa hai Ahmed-e-Noori

پوتڑوں کا کریم اِبن کریم کرم آما ہے اَحْمدِ نوری

Potron ka Karim ibn Karim Karam ama hai Ahmed-e-Noori

میرے حق میں مخالفوں کی نہ سن حق یہ میرا ہے اَحْمدِ نوری

Mere haq mein mukhalifon ki na sun Haq ye mera hai Ahmed-e-Noori

اِتنا کہدے رضاؔ ہمارا ہے پار بیڑا ہے اَحْمدِ نوری

Itna kehde Raza hamara hai Par bira hai Ahmed-e-Noori

ہیں رضاؔ کیوں ملول ہوتے ہو ہاں تمہارا ہے اَحْمدِ نوری

Hain Raza kyun malool hote ho Haan tumhara hai Ahmed-e-Noori

Share This Naat

Related Naats

پیار ان کا اگر حاصلِ ایماں نہ بنے گا

شمس و قمر نجوم کی تنویر کچھ نہ تھی

جادہ شناسِ منزلِ وحدت صلّ اللہ علیہ وسلّم

خدا دی خُدائی محمد دے در تے