خدا دی خُدائی محمد دے در تے
ملے پارسائی محمد دے در تے
Khuda di Khudai Muhammad de dar te
Mile Parsai Muhammad de dar te
فرشتہ تے بھاویں پیمبر کسے وی
نظر نہیں اُٹھائی محمد دے در تے
Farishta te bhaven paimbar kise vi
Nazar nahi uthai Muhammad de dar te
گیا راز معراج مومن تے کُھل دا
جبیں جد جھکائی محمد دے در تے
Gaya raaz Mairaaj momin te khul da
Jabeen jad jhukai Muhammad de dar te
اوہ بن گئے ولی تے زمانے دے مرشد
جنہاں کُلّی پائی محمد دے در تے
Ohh ban gaye wali te zamane de murshid
Jinnaan kulla paayi Muhammad de dar te
ہے اوسے دی اللہ دے در تک رسائی
جہدی اے رسائی محمد دے در تے
Hai ose di Allah de dar tak rasai
Jehdi ae rasai Muhammad de dar te
ہے اوسے دا چانن زمانے تے رب نے
شمع جو جلائی محمد دے در تے
Hai ose da chanan zamane te Rab ne
Shama jo jalai Muhammad de dar te
بھلائی چہ تبدیل ہوئی اوہ صائم
گئی جو برائی محمد دے در تے
Bhalai chah tabdeel hui o Sa'im
Gayi jo burai Muhammad de dar te
Share This Naat
Share with friends and family
خدا دی خُدائی محمد دے در تے
علامہ صائم چشتی