دربار نبیؐ میں جھکتے ہی تابندہ جبیں ہو جاتی ہے
جب اُن کا کرم ہو جاتا ہے تقدیر حَسیں ہوجاتی ہے
Darbar e Nabiؐ mein jhuktay hi tabinda jabeen ho jati hai
Jab un ka karam ho jata hai taqdeer haseen ho jati hai
اس میں نہ عداوت مِلتی ہے ظلمت ہے نہ کینہ کیا کہنَا
سرکارِ مدینہؐ کی اُلفت جِس دِل میں مکیں ہو جاتی ہے
Is mein na adawat milti hai zulmat hai na keena kya kehna
Sarkar e Madinahؐ ki ulfat jis dil mein makeen ho jati hai
مختارِ دو عالم کے در کی جس کو بھی گدائی مِل جائے
اُس دَر کی قسم کونین اُس کے پھِر زیرِ نگیں ہو جاتی ہے
Mukhtar e do aalam ke dar ki jis ko bhi gaddai mil jaye
Us dar ki qasam konain us ke phir zair e nageen ho jati hai
وہ کیف مجھے مِلتا ہے جہاں میں نامِ محمدؐ لیتا ہوں
خود دَرد دَوا بن جاتا ہے تسکین وہیں ہو جاتی ہے
Woh kaif mujhe milta hai jahan mein naam e Muhammadؐ leta hoon
Khud dard dawa ban jata hai taskeen waheen ho jati hai
جس وقت تصور میں میرے وہ گنبد خِضرا ہوتا ہے
جلوؤں کی نوازش سے روشن دنیائے یقیں ہو جاتی ہے
Jis waqt tasawwur mein mere woh gumbad e khizra hota hai
Jalwon ki nawazish se roshan duniya e yaqeen ho jati hai
یہ عرش کی عزت سے پوچھو ، افلاک کی رفعت سے پوچھو
رکھتے ہیں قدم سرکار جہاں کیا شے وہ زمیں ہو جاتی ہے
Yeh arsh ki izzat se poocho, aflak ki rifat se poocho
Rakhte hain qadam Sarkar jahan kya shay woh zameen ho jati hai
دیدارِ خدا کا حاصل ہے دیدارِ محمدؐ اے خالدؔ
جب سامنے وہ آجاتے ہیں معراجِ مُبیں ہو جاتی ہے
Deedar e Khuda ka hasil hai deedar e Muhammadؐ aye Khalid
Jab samnay woh aajate hain mairaj e mubeen ho jati hai
Share This Naat
Share with friends and family
دربار نبیؐ میں جھکتے ہی
خالد محمود خالد